नयाँ बसपार्कमा खुल्यो चाँदनी रोधी नाचघर

काठमाडौं, पुस १४ । ‘गीत–संगीतमा नयाँपन, चादनी रोधी नाचघरको आगमन !’ भन्ने मुल नारा र लोक गीतको संरक्षण जगेर्ना गर्ने उद्देश्यले नयाँ सोच आधुनिक वैज्ञानिक प्रविधि शान्त र पारिवारिक वातावरणमा काठमाडौंको केन्द्रबिन्दु नयाँ बसपार्कमा चाँदनी रोधी नाचघरको औपचारिक उद्घाटन भएको छ ।

नेपाली सिने जगतकी सदावार नायिका करिष्मा मानन्धरको हातबाट गीत संगीतका हस्तीहरु अमर गुरुङ, झलकमान गन्धर्व, तारादेवी, नारायणगोपाल, मास्टर मित्रसेन, कोइली देवी र अरुण थापाको तस्बिर अनावरण गरेर कार्यक्रम सुरुवात भएको थियो ।

पुस ५ गतेबाट सुरु गरिएको सो उद्घाटन सत्रमा नायिका करिष्मा मानन्धरले आफू पहिलो चोटी दोहोरी साँझ आएको र अब समय मिलाएर निरन्तर आइरहने जानकारी गराएकी थिइन् ।

मानन्धरले दोहोरी साँझले गीत संगीतको जगेर्ना मात्र नभई धेरैलाई रोजगार दिलाएकोमा खुसी पनि व्यक्त गरिन ।

५ गतेदेखि पुस १२ गतेसम्म चलेको उद्घाटन सत्रमा नेपालका ख्याती प्राप्त १२० भन्दा राष्ट्रिय कलाकारहरुको बेजोड प्रस्तुती रहेको थियो । सो अवधीमा गीत संगीत, खेल जगतमा विशेष योगदान गर्ने व्यक्तित्वलाई सम्मान गरिएको थियो ।

अनौपचारिक रुपमा ४ महिनाअघि सञ्चालनमा आएको यस रोधी नाचघरमा एकदम सुरक्षित हुने अनुभव आगन्तुक पाहुनाहरुले गरेको पाइन्छ ।

स्वादिष्ट भोजनसहित गित संगीतमा रम्नको लागि एउटा अनुपम उदाहरण बनेको यस रोधी घरमा सुगम संगीत र लोक संगीतका हस्तीहरुको प्रस्तुती रहने गर्दछ ।

उद्घाटन सत्रमा बोल्दै संचालक समितिका अध्यक्ष भीम श्रेष्ठले यो रोधी नाचघर व्यवसयिक हिसाबले मात्र नभई रोधी घरलाई हेर्ने दृष्टिकोण परिवर्तन गराउनको लागि पनि संचालनमा ल्याएको प्रष्ट पारे ।

सोही समारोहमा अध्यक्ष श्रेष्ठले आफू प्रस्तोता समाज र रोयल्टि समाजसँग सहकार्य गरेर अनुरोध पत्रको अनुपातमा केही प्रतिशत रकम सम्बन्धित कलाकारहरुको हातमा पुर्याउने प्रतिबद्धता पनि व्यक्त गरेका थिए ।