नेपालमै ब्यवसाय गरेर मासिक १० लाख कमाउने यी युवापुस्ताबाट केही सिक्ने कि ?
सारांश
- काठमाण्डौ ।
- अहिले धेरैजसो युवाको सपना विदेश छ ।
- घरपरिवार पनि छोराको नागरिकता, पासपोर्ट बनाइदिएर उसलाई विदेश पठाउन चाहन्छ ।
काठमाण्डौ । अहिले धेरैजसो युवाको सपना विदेश छ । घरपरिवार पनि छोराको नागरिकता, पासपोर्ट बनाइदिएर उसलाई विदेश पठाउन चाहन्छ । त्यसको एकमात्र कारण हो हाम्रो देशमा रहेको रोजगारीको समस्या । तर, मेहनत र लगनका साथ काम गर्ने हो भने देशमै पनि केही गर्न सकिन्छ भन्ने थुप्रै उदाहरण छन् हामीसामू ।
त्यसकै एक उदाहरण हुन्, युवा व्यवसायी प्रेम बर्मा उनी २०४६ सालमा सिन्धुलिमा जन्मेका हुन् ! २८ वर्षकै उमेरमा सफल व्यवसायीको रुपमा आफूलाई चिनाएका छन् ।
विभिन्न दुःख, कष्ट र समस्याबाट गुज्रिए तापनि साहस र हौसलाका साथ अघि बढेका बर्मा सिन्धुलि जिल्ला र काठमान्डौमा पनि आफ्नो फरक पहिचान स्थापित गर्न सफल भएका छन् ।सामान्य खेती किसानी गरेर जिविकोपार्जन गर्ने परिवारमा जन्मिएका बर्माको बाल्यकाल कम कष्टपरक थिएन ।
घाँस–दाउरा गर्नुपर्ने, गोठालो जानुपर्ने, खेती–किसानीमा पनि परिवारका सदस्यलाई साथ दिनुपर्ने । बिहानै चार बजे उठ्नुपर्ने बाध्यता ।
कसरी व्यवसायी बने त ??
हुने विरुवाको चिल्लो पात भनेझै उनको त्यो संघर्ष र मेहनतले आज उनलाई सफल बनाएको छ । कुनै दिन साइकलको हेण्डिल सामाउने हातले आज गाडिको स्टेरिङ समाउँछ । मासिक लाखौँको व्यापार हुन्छ उनको व्यवसायमा । अनि त्यसबाट आम्दानी पनि उत्तिकै ।
तर, यो सब एकाएक भएको होइन
यो सँगै पढाइ पनि निरन्तर चलिरहेको थियो । विगत सम्झदै भन्छन्, ‘पढ्ने समय नै हुदैनथ्यो । मैले दिनमा करिब ४ घण्टा मात्र सुतेर धेरै संघर्ष गरेको छु ।
संघर्ष नगरी मानिस सफल कसरी हुन सक्छ र ?’यसैक्रममा उनले व्यापार व्यवसायलाई विस्तारै बुझ्दै गए । उनले आफूले सकेजति इफोर्ट लगाए । र, त्यसको प्रतिफल पनि आयो । दिनानुदिन राम्रै व्यापार हुन थाल्यो ।
आम्दानी पनि राम्रै हुँदै गयो ।त्यसपछि सुरु भयो उनको जीवनको फरक यात्र र, आज सामाजिक कार्यमा पनि उत्तिकै सक्रिय छन् ।
भन्छन्, ‘समाजसेवा गर्न पाउँदा छुट्टै आनन्द आउँछ । कमाएको पैसाको केही रकम वार्षिक रुपमा अनुदान तथा सहयोगमा मै खर्च गर्ने गरेको छ……..
28 वर्षको उमेरमा नै सफल व्यापारीको रुपमा स्थापित बर्मा धेरै युवाका लागि प्रेरणाको स्रोत बन्न सक्छन् । ‘सामाजिक कार्य सँगै देश विकासमा योगदान पुर्याउने धोको छ । सबैले आफ्नो ठाउँबाट सकेको गर्ने हो ।
मैले आफूले निभाउनुपर्ने भूमिका निभाउने छ’, भन्छन्, ‘राम्रो काम गरेर देश तथा विदेशमा चिनिनरयुवाहरुका लागि प्रेरणाको स्रोत बन्न चाहन्छु ।’ उनी आफू सफल हुनुमा परिवारको साथ र सहयोग पनि महत्वपूर्ण पाटो रहेको बताउँछन् ।`
प्रतिक्रिया