नेपाली भूमि मिचेर सिमा स्तम्भ गाडेकोप्रति अनेरास्ववीयु र अखिल क्रान्तिकारीको आपत्ति

काठमाडौं, माघ ७ । भारतले नेपाली भूमि मिचेर सिमा स्तम्भ गाडेकोप्रति सरकारलाई ध्यानकर्षण गरेको छ । अनेरास्ववीयुको अध्यक्ष नविना लामा र अखिल क्रान्तिकारीका अध्यक्ष रञ्जित तामाङले संयुक्त विज्ञप्ति जारी गर्दै ध्यानकर्षण गराएको हो ।

सीमा क्षेत्रमा देखिएको समस्याको बारेमा अध्ययन गर्न अनेरास्ववियु र अखिल क्रान्तिकारीको टोली आइतबार वीरगञ्ज पुगेको छ । उनीहरुले वीरगञ्ज महानगरपालिका वडा नं १ को सीमा क्षेत्रको स्थलगत अवलोकन गरेका हुन् ।

उक्त क्षेत्रको अवलोकनको क्रममा मुख्य स्तम्भ ३९१ देखि ३९३ सम्म करिब १३८ फिट को दरले ३ किलोमिटर सम्म ठाउँ–ठाउँमा नेपाली भूमि मिचिएको देख्न सकिन्छ, विज्ञप्तिमा उल्लेख गरिएको छ ।

विज्ञप्तिमा लेखिएको छ– नेपालीले वर्षौंदेखि भोग चलन गरी नेपाल सरकारद्वारा वितरित लालपुर्जा समेतका प्रमाणहरु हेर्दा करिब ५० विघाभन्दा बढी नेपाली जमिन मिचिएको स्पष्ट देखिन्छ ।

हामीलाई पनि उनीहरुको एक वित्ता जमिन चाहिदैन, हाम्रो पनि जानुभएन,’ रञ्जित तामाङले भने ‘हाम्रो सरोकार भनेको नेपालको धनी पूर्जा भएको जमिन कसरी भारतमा पर्यो ? भन्ने नै हो, केही हामीले विज्ञसँग बुझेर आएका छौं । अब हामी स्थानीयसँग र प्राविधिक टोलीसँग पनि कुरा गर्छौ, र सत्य तथ्य बुझ्छौं ।’

विज्ञप्ति पढ्नुहोस् :–