नेपाल चिकित्सक संघद्वारा सरकारलाई ७२ घन्टे अल्टिमेटम

चिकित्सकहरुको छाता संगठन नेपाल चिकित्सक संघले उपचारमा लापरवाही भए डाक्टरले नै क्षतिपुर्ति दिनुपर्ने भनी सरकारले गरेको निर्णय तत्काल फिर्ता लिन ७२ घण्टे अल्टिमेटम दिएको छ ।

आफूहरुलाई जानकारीनै नदिई अपरिपक्क तरिकाले निर्णय गरेको भन्दै तत्काल फिर्ता लिन निर्देशन दिएको हो । सरकारले चिकित्सकको कमजोरीले बिरामीको मृत्यु भएमा उपचारमा संलग्न डाक्टरले क्षतिपुर्ति दिनुपर्ने कानून बनाउन स्वास्थ्य मन्त्रालयलाई निर्देशन दिएको ६ घण्टा बित्न नपाउँदै चिकित्सक संघले निर्णय फिर्ता लिन भनेको हो ।

संघका महासचिव डा. लोचन कार्कीले नयाँ पत्रिकासँग भने, ‘हामीले बिरामी र चिकित्सकलाई कानूनी दायरामा ल्याउन कानून बनाउँदै गर्दा कसैको राय सल्लाहविना सरकारले यस्तो निर्णय गरेको छ । यो चिकित्सकको हितमा छैन । तत्काल निर्णय फिर्ता नलिए देशै भरीका स्वास्थ्य संस्था थप्प पार्ने छौं ।’