पहिरोमा १ जनाको शव भेटियो, अझै ८ जना बेपत्ता

काठमाडौं १० साउन । रसुवाको टिमुरेमा पहिरोमा एकनाको जनाको मृत्यु भएको छ भने अझै ८ जना हराइरहेका छन् ।

बेपत्ता भएका मध्ये सिन्धुपाल्चोक भोटेकोसी–४ का श्याम तामाङको शव फेला परेको हो। पहिरोमा पुरिएका १२ जनाको उद्दार गरिएको छ। घाइतेमध्ये चार जनाको अवस्था गम्भीर छ।

हराएकाहरूको खोजी तथा उद्दार कार्य भइरहेको जिल्ला प्रहरी कार्यालयले जनाएको छ । प्रमुख जिल्ला अधिकारी कृष्ण पौडेलका अनुसार पहिरोले टिमुरे प्रवेशद्वारमा रहेको अस्थायी प्रहरी पोष्ट पहिरोले पुरेको हो ।

प्हिरोमा परी उद्दारका लागि दुई वटा स्काभेटर र डोजरको प्रयोग गरिएको छ। राति १ बजेतिर गएको पहिरोमा पुरिएका १२ जनाको उद्दार गरिएको छ। पहिरोले एउटा पक्की र दुई वटा कच्ची घर पुरिएका छन्। घाइतेको चिनियाँ क्याप्प र टिमुरे स्वास्थ्य चौकीमा उपचार भइरहेको छ।