पाइलट नै नक्कली परेपछि ५० कर्मचारीसहित बर्खास्त

एजेन्सी । पाकिस्तानको राष्ट्रिय ध्वजाबाहक विमानका चालकको पनि नक्कली प्रमाणपत्र भेटिएको छ । नक्कली प्रमाणपत्र भेटिएपछि पाइलटससिहित ५० जना कर्मचारीलाई बर्खास्त गरिएको छ ।

तीन जना विमान चालकको शैक्षिक प्रमाणपत्र नक्कली भेटिएकाले बर्खास्त गरिएको जनाइएको छ । पाकिस्तान अन्तर्राष्ट्रिय एयरलाईन्स (पिआइए)ले आफ्ना ५० कर्मचारीको विद्यालय तहको शैक्षिक प्रमणपत्र नक्कली भएको अहिले पत्ता लगाएको हो ।

पिआइएका प्रवक्ता मसुद ताजवारले यसअघि पनि कम्तीमा छ जना विमान चालकलाई यही कारणले बर्खास्त गरिसकिएको सोमबार अन्तराृष्टिय मिडियालाई जानकारी दिएका थिए ।
नक्कली प्रमाणपत्र ठूलो चुनौतीका रुपमा देखिएको प्रवक्ताको भनाई छ ।

एयरलाईन्सले नक्कली प्रमाणपत्रधारी विमान चालकहरुको चालक अनुमतीपत्र पनि रद्ध गरिदिएको प्रवक्ता ताजवारले बताए ।