पुनः हिन्दू राष्ट्र घोषणाका लागि राप्रपाले आगामी फागुन ७ गतेदेखि अभियान सुरू गर्ने
सारांश
- जनकपुरधाम, २० मंसिर ।
- राष्ट्रिय प्रजातन्त्र पार्टीले पुनः हिन्दू राष्ट्र घोषणाका लागि आगामी फागुन ७ गतेदेखि जनसङ्घर्षको अभियान सुरू गर्ने भएको छ ।
- विदेशीको दबाब र प्रभावमा धर्म निरपेक्षता लादिएको भन्दै उसले पुनः हिन्दू राष्ट्र घोषणाका लागि गाउँगाउँदेखि शान्तिपूर्ण जनसङ्घर्ष शुरू भई काठमाडौँ फर्किने जानकारी दिए ।
जनकपुरधाम, २० मंसिर । राष्ट्रिय प्रजातन्त्र पार्टीले पुनः हिन्दू राष्ट्र घोषणाका लागि आगामी फागुन ७ गतेदेखि जनसङ्घर्षको अभियान सुरू गर्ने भएको छ ।
विदेशीको दबाब र प्रभावमा धर्म निरपेक्षता लादिएको भन्दै उसले पुनः हिन्दू राष्ट्र घोषणाका लागि गाउँगाउँदेखि शान्तिपूर्ण जनसङ्घर्ष शुरू भई काठमाडौँ फर्किने जानकारी दिए । विहीवार आयोजित पत्रकार सम्मेलनमा पार्टी अध्यक्ष कमल थापाले जनसङ्घर्ष कुनै राजनीतिक दल, सरकारको विरूद्ध नभइ नेपाली पहिचान र राष्ट्रिय एकताको सुदृढीकरणमा केन्द्रित रहने बताए ।
साथै उनले एउटा धर्म प्रचारक संस्थाको कार्यक्रममा सरकारको तामझामपूर्ण सहभागिता रहनु आपत्तिजनक भएको बताए । धर्म प्रचारक एउटा संस्थाको कार्यक्रममा सरकारको तामझामपूर्ण सहभागिताले बहुसङ्ख्यक हिन्दू आस्थावानप्रति प्रहार गरेको भन्दै उहाँले सरकारको गतिविधिले जनतामा नैराश्य र अनिश्चितता सिर्जना गरेको बताए ।
प्रतिक्रिया