नेकपा कमिटी बैठकमा प्रचण्डको ब्रिफिङ : स्थायी कमिटी सदस्यको हातमा ओली र प्रचण्डको प्रस्ताव
सारांश
- काठमाडौं, २१ मंसिर ।
- नेपाल कम्युनिस्ट पार्टी स्थायी कमिटी बैठकमा अध्यक्षद्वय केपी शर्मा ओली र पुष्पकमल दाहाल प्रचण्ड दुवैले सचिवालयमा प्रस्तुत गरेको प्रतिवेदन बाँडिएको छ ।
- आरोप प्रत्यारोपसहितको प्रस्ताव बाँडेसँगै अध्यक्ष प्रचण्डले यसबारे ब्रिफिङ गरेका थिए ।
काठमाडौं, २१ मंसिर । नेपाल कम्युनिस्ट पार्टी स्थायी कमिटी बैठकमा अध्यक्षद्वय केपी शर्मा ओली र पुष्पकमल दाहाल प्रचण्ड दुवैले सचिवालयमा प्रस्तुत गरेको प्रतिवेदन बाँडिएको छ । आरोप प्रत्यारोपसहितको प्रस्ताव बाँडेसँगै अध्यक्ष प्रचण्डले यसबारे ब्रिफिङ गरेका थिए ।
बैठकमा डेढ घन्टा बोल्दै उनले पार्टीमा उत्पन्न पछिल्लो परिस्थितिबारे वृस्तृत व्याख्या पनि गरेका थिए । विगतमा दुईपटक विवाद उत्पन्न हुँदा स्थायी कमिटी हुँदै कार्यदल बनाएर सहमति निकालिएको र त्यसको कार्यान्वयन नभएको विषयबारे पनि प्रचण्डले बोलेका थिए ।
महासचिव विष्णु पौडेलको संयोजकत्वमा गठित कार्यदल बनाएर सुझावलाई समेटेर सहमति गरिएको र त्यसपछि पनि एकलौटी ढंगले ओलीले पार्टी र सरकार सञ्चालन गर्न खोजेको प्रचण्डको आरोप थियो । उनले कर्णालीको मुख्यमन्त्री महेन्द्रबहादुर शाहीलाई हटाउन खोजेको र त्यसपछि नयाँ घटना विकास भएको विषय पनि उल्लेख गरेका थिए ।
पटक पटक बैठक बोलाउन नमानेको, पार्टी कमिटीलाई बेवास्ता गरी काम छैन सम्म भनेको र विधि प्रक्रियालाई मिचेर अगाडि बढ्न खोजेको आरोप लगाएका थिए । उनले सचिवालयबाट समस्या समाधान गर्ने प्रयास हुँदा पनि बेवास्ता भएको र स्थायी कमिटी हुँदै केन्द्रीय कमिटीले गर्ने निर्णय बमोजिम अगाडि बढ्ने धारणा समेत राखेका थिए । प्रचण्डले आफू सहमतिकै प्रयासमा रहेको र पार्टी कुनै हालतमा विभाजन हुन नदिने स्पष्ट पारेका थिए । उनले पार्टी निर्णयबाट अगाडि बढ्नुको विकल्प नरहेको बताएका थिए ।
सहमतिकै लागि अझै प्रयास गर्ने भन्दै प्रचण्डले केही दिन स्थायी कमिटी स्थगित गर्ने र केन्द्रीय कमिटी बैठक पनि सार्ने प्रस्ताव गरेका थिए । बैठकले सर्वसम्मतिले बैठक स्थगित गर्ने प्रस्ताव पारित गरेको थियो ।
ओलीलाई ‘कुरेर बैठक किन ढिलो गरेको ?’भन्दै भीम रावलले पोखे आक्रोश
प्रतिक्रिया