प्रेस काउन्सिलका कार्यवाहक अध्यक्ष श्रेष्ठकी आमाको निधनमा महासंघको समवेदना

काठमाडौं, २१ असार । नेपाल पत्रकार महासंघका पूर्वसचिव एवं प्रेस काउन्सिल नेपालका कार्यवाहक अध्यक्ष किशोर श्रेष्ठलाई मातृशोक परेको छ । श्रेष्ठकी आमा नारायणदेवी श्रेष्ठको निधनप्रति शोक वक्तव्य जारी गरी नेपाल पत्रकार महासंघले श्रद्धाञ्जलि व्यक्त गरेको छ ।

“नेपाल पत्रकार महासंघका पूर्वसचिव तथा प्रेस काउन्सिल नेपालका कार्यवाहक अध्यक्ष किशोर श्रेष्ठलाई मातृशोक खवरले नेपाल पत्रकार महासंघ दुःखी र स्तब्ध भएको छ”, महासचिव रमेश विष्टले जारी गरेको विज्ञप्तिमा उल्लेख छ । श्रेष्ठकी ७७ वर्षीया माता नारायणदेवी श्रेष्ठको असार २० गते साँझ निधन भएको हो । उहाँ लामो समयदेखि विरामी परी उपचाररत हुनुहुन्थ्यो । स्वर्गीय श्रेष्ठका दुई छोरा र दुई छोरी छन् ।

“नेपाल पत्रकार महासंघ स्वर्गीय माताप्रति हार्दिक श्रद्धाञ्जली अर्पण गर्दछ र उहाँको आत्माको चिरशान्तिको कामना गर्दछ”, विज्ञप्तिमा भनिएको छ, “साथै, दुःखको यस घडीमा महासंघका पूर्वसचिव एवं काउन्सिलका कार्यवाहक अध्यक्ष किशोर श्रेष्ठसहित शोकसन्तप्त परिवारजनप्रति महासंघ गहिरो समवेदना व्यक्त गर्दछ ।”