बन्दकर्ताले गरेको फोहर उठाउँदै भिक्टोरियाले गर्ने सरस्वती पूजा

दाङ, ७ माघ । पाँच नम्बर प्रदेशको राजधानी समग्र प्रदेशको अपायकमा तोकिएपछि आक्रोशित बनेका आन्दोलनकारीले सडकमा बालेका टायर र फोहर स्थानीय भिक्टोरिया इन्टरनेशनल कलेजले सफाई गर्ने भएको छ । भोलि सरस्वती पूजाको अवसरमा फोहर सफाई गरेर पूजा गर्न थालिएको कलेजले जनाएको छ ।

ज्ञान किताबबाट मात्र होइन सडकबाट पनि सिक्नुपर्छ भन्ने मान्यताका साथ भिक्टोरिया कलेजका भाइबहिनीहरुले बन्दकर्ताले टायर बालेर खरानीको थुप्रो लगाएको तुलसीपुर चोकको खरानी उठाउने र कालो भएको सडकमा पेन्ट गर्ने कार्यक्रम राखेको पत्रकार नरेन्द्र केसीले आफ्नो फेसबुक वालमा लेखेका छन् । पत्रकार केसीले लेखेका छन्, ”यो कार्यक्रम मन पराइदिने साथीहरु विहान ९ बजे कार्यक्रममा सहभागी भइदिनुहोला, आगामी दिनमा यो सुन्दर चोकलाई फेरि खरानीमा नबदलिदिनुहोला ।”