बर्षेनी अर्बोका महंगा गाडी किन्ने र अलिकतिमात्रै समस्या देखिएपनि यिनलाई मिल्काउने हावी, देश झनै गरिबितिर धकेलिदै

पछिल्लो समय हरेक हप्ता सरकारी कर्मचारी र नेताहरुले राज्यकोषको दुरुपयोग गरेर महंगा सवारी किन्न थालेको चर्चा चुलिदै गएका छन । राष्ट्रपति बिद्या भण्डारीले १६ करोडको गाडी माग गर्दा होस वा निर्वाचन आयुक्तले १४ करोडको गाडी किन्ने प्रक्रियामा जाँदा । जनताले खबरदारी त गरे तर उनको आवाज सुनिने संकेत भप्रवृति ने छैन । बरु बर्षेनी अर्बोका महंगा गाडी किन्ने र अलिकतिमात्रै समस्या देखिएपनि यिनलाई मिल्काउने हावी बनेको शिहदरबारमा । भएका साधन स्रोतलाई उचित स्याहार गरी प्रयोग गर्नु पर्नेमा देशको आर्थिक स्थिति कमजोर बन्दै गएको छ । राज्यकोषको चरम दूरुपयोग गर्ने बानी यहाँका प्रशासन यन्त्रबाट नहट्दा देश झनै गरिबितिर धकेलिइरहेको छ ।

नेपालमात्रै हो जहाँ जनताले तिरेको राजस्वमा बुर्कुसी मार्ने कर्मचारी तन्त्रको उदेक लाग्दो रवाफ बिरुद्ध समाजिक सञ्जालमा जनताको आक्रोश त पोखिन्छ तर टालटुले प्रवृति हेरेर मन बुझाउन बाध्य छन नेपाली । मुलुकको नीति नियम कार्यान्वयन गराउने सिंहदरबारभित्रको विकृति उल्लेख गर्न समेत लाजमर्दौ छ ।
दुरदराजमा झोलुङगे पुलको अभावमा दुरुदराजमा तुईनमा प्राण धनिएको छ जनताको तर सिंहदरबारभित्र करोडौँका सामाग्रीहरु लथालिङ्ग छन ।

सिंहदरबार भित्रका करोडौ रुपैयाँ पर्ने गाडीको कुरा गर्ने हो भने दर्दनाक स्थिती छ । साधारण मर्मत गरेर चल्ने गाडीलाई ग्यारेजमा थन्काएर नयाँ नयाँ मोडलका गाडी मगाउने मन्त्रालयलाई अनुगमन गर्ने र ति अलपत्र वेवारीस पारिएका गाडीका विषयमा छानविन गर्ने निकाय चिर निन्द्रामा बस्ने र बहिरो भएका कारण यस्तो विकृति आएको हो ।

केही समययता राष्ट्रपतिदेखि निर्वाचन आयोगका आयुक्तहरुलाई नयाँ गाडी खरिद गर्ने प्रसंगले निकै चर्चा कमाएको छ । उता सिंहदरबारमा त्यस्ता करोडौंका गाडी कवाडी बनिरहेका छन् ।

त्यसो त सिंहदरबारमा नयाँ सचिव आउँदा होस् वा नयाँ मन्त्री आउँदा, नयाँ विभाग थपिँदा वा अन्य कुनै नयाँ प्रोजेक्ट आउँदा । या नयाँ वर्ष आउँदा या दशैँ वा अरु कुनै चाड पर्व आउँदा नयाँ गाडी थपिन्छन् । नयाँ गाडी थपिँदा पुराना गाडीलाई लिलामी बेच्ने वा यसलाई प्रयोग गर्ने गरिँदैन । ती पुराना गाडीहरु कवाडी बनुन्जेल मन्त्रालय परिसरमै थन्किन्छन् ।

पछिल्लो समयमा पाट पुर्जा निकालिएका गाडीहरु थन्काएर कुरुप पारिएका विषयमा सञ्चार जगतको आँखा पर्न थालेपछि यत्रतत्र छरिएका गाडीलाई लुकाउन थालिएको छ । सबैभन्दा बढी मर्मत नगरी वेवारीसे बनाइएका गाडी गृहमन्त्रालयमा रहेका छन् ।

गृहमा भएका गाडीलाई सदुपयोग गर्न आफ्नै मातहतको प्रहरीलाई दिने हो भने सुरक्षा गस्तीका लागि अत्यन्तै सुविधा हुने एक प्रहरी अधिकृतले बताए । सिंहदरबारस्थित मन्त्रलयमा कार्यरत एक कर्मचारी यसबारे दुखेसो पोख्दै सिंहदरबारभित्र थन्काइएका गाडीलाई आफूले सदुपयोग नगरे पनि लिलाम विक्री गर्ने हो भने अर्ब भन्दा बढी रकम प्राप्त हुने बताउछन ।

यही रकमलाई सदुपायोग गरी झोलुङ्गे पुल बनाउने हो भने तुइनमा यात्रा गर्ने बच्चाले पुलबाट हिडेर पढ्न जान पाउछन् । संसद सचिवालयको पार्किङ्गमा राखिएका बा १ झ ८५०१, बा १ झ ३८८२, बा १ झ ८५०९, बा १ झ ४४२८, बा १ झ ६०२४का गाडीहरु मध्ये धेरै गाडी न्युन खर्चबाट मर्मत गर्न सकिने अवस्थामा छन् । तर, दुर्भाग्य कति धुलो मैलोले कुरुप भएका छन् भने कतिको टायरको हावा खुस्किएको छ । वेवारीसे रुपमा थन्काइएका छन् ।

उद्योग मन्त्रालयको क्यान्टीनको साइडमा थन्काएर राखिएका तीन गाडी मध्ये बा १ झ ४०६७ नम्बरको गाडी फोहोरको पोखरी जस्तैमा थन्काइएको छ । अर्को पहेलो प्लेटको बा १ ञ ९४९ नम्बरको गाडीको हालत पनि त्यस्तै छ । मन्त्रालयका एक नाम नबताउने कर्मचारीका अनुसार स्टोर इन्चार्ज र ड्राइभरको मिलेमतोमा गाडी मर्मत गरेझैँ गर्ने तर त्यसका महंगा पार्टपुर्जा गायव पार्ने काम प्राय मन्त्रालयमा हुने गरेको छ ।

मन्त्रालय अगाडि राखिएको बा १ झ ६५८६ नम्बरको गाडी हेर्दा न्यून खर्चले बन्ने जस्तो देखिन्छ । तर यो गाडीको टायरको हावा खुस्केको कति भयो त्यतिसम्म हेर्न भ्याइएको छैन ।

पर्यटन तथा नागरिक उड्यन मन्त्रालयको साइडमा रहेको बा १ झ ३६०७ को गाडीको पनि पछाडीको टायर नै छैन । कहिले देखि वेवारीसे बनाएर राखिएको हो त्यो बारे कसैले बताउन नचाहे पनि गाडी हेर्दा लामो समयदेखि थन्काएको जस्तो देखिन्छ ।

अहिले पनि नीजि क्षेत्रले ती गाडीहरु पाए चिटिक्क पारेर चलाउन सक्ने अवस्था छन् । त्यही मन्त्रालयका साइडमा रहेका बा १ झ ७१६२ र बा १ झ ५९४५ नम्बरको गाडीको दुर्दशा पनि उस्तै अवस्थाका छन् ।

शहरी तथा गरीवी निवारण मन्त्रालय छिर्ने बाटोमा रहेको टहरामो ६०–०–१६५ नम्बरको गाडी साधारण मर्मत गरे चल्न सक्ने जस्तो देखिन्छ । तर बाहिरबाट हेर्दा धुलो र मैलोले गर्दा त्यो गाडी पनि कुरुप जस्तै देखिन्छ ।

त्यही टहराको अगाडि राखिएको बा १ झ ५११६ नम्बरको गाडी कुनै मोटर ग्यारेजमा राखे जस्तै गरी राखिएको छ । गाडीको सबै ढोका खुल्लै छन् । भित्रका पार्टपुर्जा निकालिए जस्तै देखिन्छ ।

भन्सार कार्यालयदेखि अन्य कार्यालयमा जसरी गाडीको इन्जिन तथा महत्वपुर्ण पाटपुर्जा निकालेर लिलाम गर्नुभन्दा पहिले नै आफ्नो सेटिङमा रहेको दलाललाई दिने प्रचलन छ । त्यसैगरी पछि कमिसन खाएर सोही दलालाई गाडीको ख्रोक्रो भागमात्रै कम मूल्यमा लिलाम गरिन्छ त्यस्तै गर्न खोजिएको त होइन् ? प्रश्न चिन्ह खडा भएको छ । यसको लेखाजोखा गर्ने निकाय नभएर मन्त्रालयका स्टोर इन्चार्जहरु मोटाउने र हाकिमहरु एकपछि अर्का नयाँ गाडी चढ्ने गरेका हुन् ।
अन्नपूर्ण टिभी बाट