बार्सिलोना र रियल मड्रिडको स्प्यानिस ला लिगामा बिजयी सुरुवात

एजेन्सी ।बार्सिलोना र रियल मड्रिडले स्प्यानिस ला लिगामा बिजयी सुरुवात गरेका छन् । घरेलु मैदान नाउ क्याम्पमा बार्साले रियल बेटिसलाई २–० गोल अन्तरले हरायो । अर्को खेलमा रियल मड्रिडले डिर्पोटिभो ला कोरुनालाई ३–० गोल अन्तरले पराजित गर्‍यो ।

खेलको ३६ औं  मिनेटमा बिपक्षी टिमको आत्मघाति गोल मार्फत अग्रता बनाएको बार्साका लागि ३० औं मिनेटमा सर्जि रोर्बटोले गोल थपेका थिए । भरपर्दा स्टाईकर लुईस स्वरेज घाइते भएपछि बार्सिलोनाको अग्रपंति कमजोर बनेको छ ।  अर्को खेलमा पहिलो हाफ मै कोरुनाबिरुद्ध २ गोल गरेको रियलले दोस्रो हाफमा १ गोल थपेको थियो ।

२० औं मिनेटमा गारेथ वेलले गोल गर्दै रियलको खाता खोलेका थिए । २७ औं मिनेटमा कासिमिरोले गोल गर्दै अग्रता दोब्बर पारे । खेलको ६२ औं मिनेटमा टोनी क्रोसले गोल गर्दै रियललाई ३–० को जित दिलाएका हुन् । ५ खेलको प्रतिबन्धका कारण रियलका पोर्चुगीज स्टाईकर क्रिष्टियानो रोनाल्डो भने मैदान बाहिर छन् ।