बालाजुमा ‘ग्याङफाइट’: खुकुरी प्रहारबाट थापाको अवस्था गम्भीर
सारांश
- काठमाडौं, १४ माघ ।
- शनिबार राजधानीमा भएको ग्याङफाइटमा तीन जना घाइते भएका छन् ।
- शनिबार राति मदिरा सेवनपछि काठमाडौंको बालाजु चोकमा ग्याङफाइट भएको हो ।
काठमाडौं, १४ माघ । शनिबार राजधानीमा भएको ग्याङफाइटमा तीन जना घाइते भएका छन् । शनिबार राति मदिरा सेवनपछि काठमाडौंको बालाजु चोकमा ग्याङफाइट भएको हो ।
ग्याङफाइटमा सुरज थापा, मानबहादुर घले र सुवास लामिछाने घाइते भएका छन् । दुई समूहको विवादमा खुकुरी प्रहार भएको थियो । महानगरीय प्रहरी वृत बालजुका प्रमुख डिएसपी विश्वराज खड्काले मदिरा सेवनपछि विवाद हुँदा फाइट भएको बताए ।
घाइते थापाको पिपुल्स अस्पतालमा उपचार भइरहेको छ । घाइते थापाको अवस्था गम्भीर रहेको डिएसपी खड्काले बताए । घले र लामिछाने गाडी चालक हुन् ।
मदिरा सेवन गरेर थापालाई गाडीमा छोड्न जाँदा चार जनाको समूहले खुकुरी प्रहार गरेका थिए । खुकुरी प्रहार गर्ने समूहको खोजी भइरहेको डिएसपी खड्काले बताए ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया