बेवारिसे बिरामीको अस्पतालमै मृत्यु, आफन्तको खोजी

म्याग्दी, १५ जेठ – म्याग्दीको बेनीमा अचेत अवस्थामा भेटिएका बिरामीको उपचारका क्रममा बेनी अस्पतालमा मृत्यु भएको छ ।

बेनीको कर्मचारी मिलन केन्द्र नजिक सडकमा अचेत अवस्थामा भेटिएका अन्दाजी ४० वर्षीय पुरुषलाई स्थानीयवासीको सहयोगमा प्रहरीले उद्धार गरी अस्पतालमा उपचारका लागिएको थियो ।

गत शुक्रबार बिहान अस्पतालमा पुर्याइएका उनलाई उपचारकै क्रममा अस्पतालका चिकित्सकले मृत घोषित गरेको जिल्ला प्रहरी कार्यालयका प्रहरी निरीक्षक दीपक महत क्षत्रीले जानकारी दिए ।
अचेत अवस्थामा अस्पतालमा पुर्याइएका बिरामी निमोनियाले ग्रसित भएपनि चिकित्सकले उपचारको प्रयास गरेको बेनी अस्पतालले जनाएको छ ।

बेवारिसे शवलाई अस्पतालको शवगृहमा राखिएको छ । प्रहरीले आफन्तको खोजी भइरहेको जनाएको छ । परिवार र आफन्तको खोजी भइरहेको अवस्थामा पनि फेला नपरे निश्चित प्रक्रिया पूरा गरी अन्त्येष्टि गरिने प्रहरीको भनाइ छ ।