बैदेशिक व्यापार असन्तुलन बढ्योः निर्यात ५.८ प्रतिशत, आयात ९४.२ प्रतिशत

काठमाडौं, १७ पुस । व्यापार निकासी प्रवद्र्धन केन्द्रले नेपालको वैदेशिक व्यापार असन्तुलन बढ्दै गएको तथ्यांक सार्वजनिक गरेको छ । चालु आर्थिक वर्षको पाँच महिनासम्मको तथ्याङ्क सार्वजनिक गर्दै केन्द्रले १२ दशमलव ३ प्रतिशत निर्यात बढदा ३३ दशमलव ८ प्रतिशत आयात बढेको छ । तर कुल बैदेशिक ब्यापारको ५ दशमलव ८ प्रतिशत निर्यात भएको छ भने ९४ दशमलव २ आयात भएको छ ।

तथ्याँक अनुसार नेपालको कुल वैदेशिक व्यापार अघिल्लो वर्षको सोही अवधिको तुलनामा ३२.३ प्रतिशतले बढेको छ । ६ खर्ब ४४ अर्ब ५० करोड रुपैयाँ बराबरको बस्तु आयात निर्यात भएको छ । जस मध्ये ३७ अर्ब ५० करोड रुपैयाँ बराबरको निर्यात भएको छ भने ६ खर्ब ७ अर्ब रुपैयाँ बराबरको आयात भएको छ ।

नेपालबाट निर्यात हुने मुख्य वस्तुहरुमा यार्न, ऊनीको कार्पेट, तयारी गार्मेन्ट, जुस, चिया टेक्सटाइल जस्ता रहेका छन् । आयात हुने वस्तुहरुमा पेट्रोलियम पदार्थ, फलाम तथा स्टीलका उत्पादनहरु, यातायातका साधनहरु, मेशिनरी तथा पाट्र्स, विद्युतजन्य उपकरणहरु तथा हवाईजहाज तथा पाट्र्सको आयातमा उच्च बृचि भएको छ । जसले गर्दा मुलुकको व्यापार घाटा बढेको हो ।