ब्ल्याक वाटरले गर्यो सांसद श्रेष्ठ र शाक्यलाई सम्मान

काठमाडौं, पुस १३ । काठमाडौं क्षेत्र नम्बर ८ का प्रतिनिधिसभा सदस्य जीवनराम श्रेष्ठ र प्रदेश नम्बर ८ क बाट निर्वाचित सांसद रोजश शाक्यलाई युवा व्यवसायीले सम्मान गरेका छन् ।

न्यूरोडमा रहेको ब्ल्याक वाटर रेस्ट्रो एन्ड बारका युवा व्यवसायीले बाम गठबन्धनतर्फबाट निर्वाचत सदस्यहरुलाई सम्मान गरेको ब्ल्याक वाटरका अध्यक्ष सुरेश महर्जनले जानकारी दिए ।

सम्मान ग्रहणपछि बोल्दै श्रेष्ठले अब युवा पलायन रोक्नुपर्ने बताए । उनले भने, ‘देशमै रोजगारी र व्यवसायको उचित प्रवन्ध मिलाउनु आवश्यक छ ।’ ८ नम्बर क्षेत्रलाई पर्यटन विकाश अभियानको रुपमा अघि बढाउने आफ्नो प्रतिवद्धता रहेको उनले बताए ।
भुकम्पबाट क्षतिग्रस्त सम्पदा र निजि घरहरु पुननिर्माणमा उच्च प्राथमिकतामा राखेको उनले सुनाए ।

काडमाडौं प्रदेश नम्बर ८ क बाट निर्वाचित राजेश शाक्यले खाडी मुलुकबाट नेपाली युवालाई स्वदेश फर्काउनुपर्नेमा जोड दिए । उनले भने, ‘अब नेपाली युवाले अरुको देश बनाउने हैन आफ्नै देशको मुहार फेर्नुपर्ने समय आएको छ ।’ सबै युवा एकजुट भएर विकास निर्माणमा लाग्नुपर्ने उनले बताए ।

आफ्नो क्षेत्रमा निर्वाचित सांसदहरुलाई सम्मान गर्न पाउँदा खुसी लागेको ब्ल्याक वाटरका प्रवन्ध निर्देशक अजय श्रेष्ठले बताए । सुरुमा राजधानीको ठमेलमा स्थापना भएको ब्ल्याक वाटरको बोनश्वर र न्यूरोडमा पनि शाखा सञ्चालनमा छ । आफ्नै देशमा केही गर्ने उदेश्यका साथ ब्ल्याक वाटर स्थापना गरेको सञ्चालक टेकलाल श्रेष्ठले बताए । ब्ल्याक वाटरमा ५० भन्दा बढीले रोजगारी पाएका छन् ।