भारतीय पूर्व विदेशमन्त्री सुषमा स्वराजको निधन

भारतीय जनता पार्टीकी बरिष्ठ नेत्तृ तथा पूर्व विदेशमन्त्री सुषमा स्वराजको मंगलबार निधन भएको छ । स्वराजको ६७ वर्षको उमेरमा निधन भएको हो । ह्रदयघात भएपछि उनलाई उपचारका लागि एम्स अस्पताल लगिएको थियो । उपचारकै क्रममा उनको निधन भएको हो ।

ह्रदयघात भएपछि उनलाई उपचारका लागि राती १० बजेर १५ मीनेट जाँदा अस्पताल पुर्याइएको थियो । यद्यपी चिकित्सकहरुको अथक प्रयासका वावजुद पनि उनलाई बचाउन नसकेको अस्पतालले जनाएको छ । उनको निधनको खबर सार्वजनिक भएलगत्तै केन्द्रीय स्वास्थ्यमन्त्री हर्षवद्र्धन र केन्द्रीय मन्त्री नितिन गडकारी एम्स अस्पताल पुगेका छन् । अहिले अस्पतालमा उनको श्रीमान सहित परिवारका अन्य सदस्य समेत पुगिसकेका छन् ।

स्वराज लामोसमयदेखि बिरामी थिइन् । स्वास्थ्यको कारण देखाउँदै उनी २०१९ को लोकसभा निर्वाचनमा सहभागि भएकी थिइनन् । उनको मृगौला समेत प्रत्यारोपण गरिएको थियो । २०१४ मा उनी मोदी सरकारको विदेशमन्त्री थिइन् । विदेश मन्त्रालय सम्हाल्नु अघि उनी विजेपीको तर्फबाट दिल्लीको मुख्यमन्त्री पनि बनेकी थिइन् । स्वराज दिल्लीको पहिलो महिला मुख्यमन्त्री हुन् ।