भेट्न आएका ५ सचिवालय सदस्यलाई प्रम ओलीले दिए यस्तो जवाफ

सत्तारूढ नेपाल कम्युनिष्ट पार्टी (नेकपा) का अध्यक्ष तथा प्रधानमन्त्री केपी शर्मा ओलीले आफूलाई भेट्न आएका सचिवालयका पाँच जना सदस्यहरुलाई पार्टीभित्र गुटबन्दी नगर्न चेतावनी दिएका छन् । बालुवाटारमा आफूलाई भेट्न आएका अध्यक्ष पुष्पकमल दाहाल, वरिष्ठ नेताहरु माधव कुमार नेपाल, झलनाथ खनाल, उपाध्यक्ष वामदेव गौतम र प्रवक्ता नारायणकाजी श्रेष्ठसँग ओलीले पार्टीभित्र गुटबन्दी गर्ने काम तत्काल बन्द गर्न आग्रह गरेको प्रधानमन्त्री ओलीका प्रेस सल्लाहकार सूर्य थापाले जानकारी दिए ।

थापाले प्रधानमन्त्रीको भनाई उद्धृत गर्दै भने,‘तपाईहरु गुटबन्दी गर्ने काम बन्द गर्नुहोस, एकताविरोधी काममानलाग्नुहोस । गुटबन्दी गरेर ज्ञापनपत्र पत्र बुझाएर समस्याको समाधान हुँदैन् । पार्टी एकताको जगमा उभिनुहोस ।’ थापाका अनुसार प्रधानमन्त्री ओलीले पार्टीलाई एकताबद्ध बनाएर लैजाने कुराको विश्वास दिलाएका थिए । ओलीले नेताहरुसँग आफू बैठक राख्ने पक्षमा रहेको सुनाउँदै त्यसको लागि पनि बसेर आपसी सहमति र छलफल गर्नुपर्नेमा जोड दिएका थिए ।