भौतिक बस्तुमाथिको आक्रमण निन्दनिय: मेयर सेजुवाल

बिस्नु फडेरा,  काठमाडाै,२ मंसिर।  चन्दननाथ् नगरपालिकाका मेयर कान्तीका सेजुवालले नगरपालीकाको गाडि जलाएको बिषयमा धारणा राखेकि छन् । आईतबार  शिखरन्युजलाइ उनले आफ्नो धारणा व्यक्त गरेकि हुन्।

मेयर सेजुवालले हाम्रो जस्तो स्रोत साधन नभएको देशमा भौतिक बस्तुमाथिको आक्रमण निन्दनिय भएको बताईन । उनले भनिन् ‘यो सरासर निन्दनिय काम हो । जुन अज्ञात समुहले यो कार्य गर्यो घटना घटायो उक्त घटनाको घोर भत्र्सना  गर्दछु ।’ सेजुवालले चन्दन्नाथ नगरपालीकाले करको भार नपारेको र सबै क्षेत्रमा कर असुल नगरेको बताउँदै भएका स्रोतसाधनलाई जर्गेना गर्नुको साटो क्षति पुराउने काम निकै लाजमर्दो र घृणित भएको बताईन।

नगरपालिकाको प्रांगणमा स्टेण्डमा राखिएको क१ झ१ नम्बरको गाडि राति एक बजे जलाइएको जिल्ला प्रहरी कार्यालय जुम्लाले जानकारी दिएको छ । राति सवा एक बजे नगरपालिकाका पाले बिष्णुप्रसाद न्यौपानेले गाडीमा आगो लागेको थाहा पाएपछि सबैलाई जानकारी गराएका थिए । जलेको गाडि रु ४० लाख बराबरको भएको निमित्त प्रशासकीय अधिकृत ज्ञानेन्द्र बुढ्थापाले बताए ।