मतपत्र च्यातिएको विषयमा परेको मुद्दाको पेशी असार २३ गतेलाई तोकियो
सारांश
- भरतपुर ।
- सर्वोच्च अदालतले भरतपुर महानगरपालिका वडा नम्बर १९ मा मतपत्र च्यातिएको विषयमा परेको मुद्दाको पेशी असार २३ गतेका लागि तोकेको छ ।
- च्यातिएको मतपत्र सर्वोच्च अदालतमा झिकाएपछि सर्वोच्चले दुबै पक्षको रोहवरमा बुधबार पेशी तोकेको हो ।
भरतपुर । सर्वोच्च अदालतले भरतपुर महानगरपालिका वडा नम्बर १९ मा मतपत्र च्यातिएको विषयमा परेको मुद्दाको पेशी असार २३ गतेका लागि तोकेको छ ।
च्यातिएको मतपत्र सर्वोच्च अदालतमा झिकाएपछि सर्वोच्चले दुबै पक्षको रोहवरमा बुधबार पेशी तोकेको हो । पहिलो चरणमा गत बैशाख ३१ गते भरतपुर महानगरपालिकामा मतदान भएको थियो । वडा नम्बर १९ मा मत गणनाका क्रममा मतपत्र च्यातिएको थियो । महानगरका २९ वटा मध्ये २७ वटाको गणना सम्पन्न भएको छ । वडा नम्बर १९ को मतपत्र निर्वाचन आयोगले बदर गरी पुनः मतदानको निर्णय गरे पनि घटना सर्वाच्चमा पुगेको हो ।
सर्वोच्चले अहिले कुनै काम नगर्नु भनेकाले सवै प्रक्रिया अवरुद्ध छ । भरतपुर महानगरपालिकाको मतगणनाका क्रममा ९० वटा मतपत्र च्यातिएको पाइएको छ । यसअघि जिल्ला निर्वाचन अधिकृतको कार्यालय र जिल्ला प्रशासन कार्यालयले आज सर्वोच्च अदालत पठाएको थियो ।
भरतपुरको कभर्डहलमा कपडाले पोको पारेर राखिएको मतपत्रलाई मतपेटिकामा राखेर शिल गरी पठाईएको हो । सर्वाेच्च अदालतले भरतपुर महानगरपालिकामा च्यातिएका मतपत्र एक साताभित्र झिकाउन असार ६ गते मंगलबार आदेश दिएको थियो ।
प्रतिक्रिया