मधुमेहको निशूल्क रगत परिक्षण शिविर सम्पन्न

बुटवल,  १५ साउन । लायन्स क्लव अफ बुटवल क्षितिजले मधुमेहको निशूल्क रगत परिक्षण शिविर सम्पन्न गरेको छ । क्लवले बुटवल नयाँ बसपार्कमा संचालन गरेको शिविरमा १ सय १२ जनाले मधुमेहको परिक्षण गराएका छन । दिनप्रतिदिन मधुमेह रोग बढ्दो क्रममा रहेको भन्दै क्लवले जनचेतना फैलाउने र सुगरको परिक्षण कार्यक्रम अयोजना गरेको बताएको छ ।

कार्यक्रमका प्रमुख अतिथि लायन्स डिष्ट्रिक ३ सय २५ बिटुका पूर्व गर्भनर महेन्द्रनारायण श्रेष्ठले मधुमेहको भयावह अवस्थालाई न्यूनिकरण गर्न सामुहीक पहलको खाँचो रहेको बताए । लायन्स अन्र्तराष्ट्रियले मधुमेह बिरुद्धको अभियानलाई मुख्य प्राथमिकतामा राखेर अभियान चलाएको अवस्थामा नेपालमा पनि यो अभियानलाई प्रभावकारी बनाउन सबै लायन्स क्लवले आफ्नो ठाउमा अभियान चलाउनुपर्ने श्रेष्ठले बताए । लाययन्स डिष्ट्रिक डायविटिज व्यवस्थापन समिति संयोजक प्रतिमा श्रेष्ठले डिष्ट्रिक गर्भनरले पनि डायबिटिज बिरुद्धको मुख्य कार्यक्रम सार्वजनिक गरिसकेको जानकारी दिईन । उनले डिष्ट्रिक अन्तर्तगत यो बर्ष डायबिटिज बिरुद्धको कार्यक्रमलाई प्राथमिकता दिन क्लवलाई आग्रह गरिन ।

जोन चियर पर्सन लोकनाथ उपाध्यायले बसपार्कमा मधुमेह परिक्षण कार्यक्रम अयोजना गरेर क्लवले सामाजिक उत्तरदायीत्व पुरा गरेको बताए । डायाबिटिज बिरुद्ध लायन्सअन्तराष्ट्रियले अभियान संचालन गरेको अवस्थामा यस्ता कार्यक्रम प्रभावकारी हुने उनको भनाई थियो । क्लवका निर्देशक शंकर पाण्डेले मधुमेह शिविर प्रत्येक महिलाना संचालन गर्ने जानकारी दिए । पाण्डेले बुटवल उपमहानगरपालिकाले पनि कार्यक्रमलाई आवश्य सहयोग गर्ने बचन दिएकाले हरेक महिना बसपार्कममा मधुमेह परिक्षण शिविर अयोजना हुने बताए ।

शिविरमा थाईरो ल्याव बुटवलको प्राबिधिक सहयोग रेहेको थियो । ल्यावका संचालक प्रेमराज न्यौपानेले व्यवसाय सगै सामाजिक सेवालाई साथै लैजाने उदेश्य सहित क्लव संग सहकार्य गरिएको बताए । सवारी धनि, चालक, र यात्रुलाई ध्यानमा राखी शिविरलाई बसपार्कमा आयोजना गरिएको क्लवका अध्यक्ष नारायण बहादुर थापाले बताए । शिविर मार्फत केही मात्रामा भए पनि मधुमेह रोग नियन्त्रणमा सहयोग पुग्ने अध्यक्ष थापाले आशा व्यक्त गरे ।
कर्यक्रमको संचालन क्लवका तृतिय उपाध्यक्ष आबिश्कार खनालले गरेका थिए ।