मोटरसाइकल हराएको छ ? महाशाखामा बुझ्नुहोस्, फेला पर्न सक्छ !
सारांश
- काठमाडौं, पुस १२ ।
- काठमाडौं उपत्यकामा मोटरसाइकलहरु दिनदिनै हराउँछन् ।
- पार्किङ गरिराखेको ठाउँबाट, घरबाट मोटरसाइकल हराउने गर्छ ।
काठमाडौं, पुस १२ । काठमाडौं उपत्यकामा मोटरसाइकलहरु दिनदिनै हराउँछन् । पार्किङ गरिराखेको ठाउँबाट, घरबाट मोटरसाइकल हराउने गर्छ । मोटरसाइकल हराएपछि तपाईं हामी जो पनि ट्राफिक प्रहरीमा रिपोर्ट गर्न जान्छौं ।
प्रहरीलाई रिपोर्ट गरे पनि कतिपय मोटरसाइकल फेला पर्दैन् त कतिपय पर्छ । यसमा प्रहरीको कुनै कमजोरी छैन्, स्वयम् मोटरसाइकल धनीको कमजोरी हुन्छ ।
किनकि मोटरसाइकल धनीले आफ्नै हेलचक्र्याईंका कारण जथाभावी पार्किङ गर्ने, ह्यान्ड लक नगर्नेजस्ता कारणले मोटरसाइकल हराउने गर्दछ । त्यसैले अबदेखि होसियार !
त्यस्तै आज ट्राफिक प्रहरी महाशाखाले ३० वटा हराएका मोटरसाइकल फेला पारेर सम्बन्धित पक्षलाई बुझाउन राखेको जानकारी गराएको छ । काठमाडौंको विभिन्न स्थानबाट हराएको ३० वटा मोटरसाइकल शाखाले बुझाउ राखेको बताएको छ ।
केही मोटरसाइकल महाशाखाका सह–आयुक्त प्र.ब.उ. रमेश रन्जितकारले सवारी धनीलाई हस्तान्तरण गरिसकेका छन् ।
यदि कसैको मोटरसाइकल हराएर प्रहरी रिपोर्ट गर्नुभएको छ भने एकचोटी महाशाखा गएर बुझ्नुहोला फेला परेको हुनसक्छ ।
प्रतिक्रिया