यसकारण हेर्नुपर्छ मालिका : रेखा थापा
सारांश
- आफ्ना हरेक फिल्ममा नारी शसक्तिकरणलाई मुख्य विषय बनाउँदै आएकी रेखा थापाको प्रदर्शनको तयारीमा रहेको फिल्म मालिका पनि नारी शसक्तिमै केन्द्रीत छ ।
- मालिकामा रेखाले बाल विवाहको कथालाई समावेश गरेकी छिन् ।
- कात्तिक १६ गतेदेखि देशभर प्रदर्शनमा आउन लागेको फिल्मलाई लिएर रेखा निकै उत्साहित छिन् ।
आफ्ना हरेक फिल्ममा नारी शसक्तिकरणलाई मुख्य विषय बनाउँदै आएकी रेखा थापाको प्रदर्शनको तयारीमा रहेको फिल्म मालिका पनि नारी शसक्तिमै केन्द्रीत छ । मालिकामा रेखाले बाल विवाहको कथालाई समावेश गरेकी छिन् । कात्तिक १६ गतेदेखि देशभर प्रदर्शनमा आउन लागेको फिल्मलाई लिएर रेखा निकै उत्साहित छिन् । हिम्मतवाली पछि पुन निर्देशन गरेको फिल्म भएकाले पनि आफु निकै उत्साहित भएको रेखा बताउँछिन् । यतिबेला फिल्मको प्रमोशनको व्यस्त रहेकी उनले मालिकालाई सबैले एक पटक हेर्नै पर्ने फिल्म भएको दावी गर्छिन् । शिखरन्यूजसँगको कुराकानीमा उनले मालिका हेर्नु पर्ने ५ कारण खुलाएकी छिन् ।
मालिका हेर्नु पर्ने ५ कारणहरु
१.मालिकाले बालविवाह सम्बन्धी यस्तो मुद्दालाई उठान गर्दैछ, जुन छोरीहरुले सदियौँदेखि भोग्दै आइरहेका छन् ।
२.मालिका फिल्म मात्रै होइन, अभियान पनि हो । नारी शसक्तिकरणको अभियानमा मालिका शसक्तढंगमा उभिएको छ ।
३.नेपाली फिल्ममा मौलिक कथा भएन भन्ने लामो समयदेखिको आरोपलाई चिर्ने प्रयास पनि हो फिल्म मालिका । यसले हाम्रै गाउँघरको वास्तविक कथालाई प्रस्तुत गरेको छ ।
४. कर्णालीका कुरा मिडियामा धेरै आउँछन्, यो फिल्म कर्णालीकै कथा हो र कर्णालीकै दुखको वरिपरि फिल्म घुमेको छ ।
५.रेखा थापाका नियमित दर्शकका लागि तिहारको कोशेली पनि हो मालिका । मालिका हेरेर दर्शकले मनोरञ्जन मात्रै पाउँदैनन्, समाजमा घटिरहेको नारीमाथिको अत्याचार र हिंसा विरुद्ध लाग्ने प्रेरणा पनि पाउँछन् ।
प्रतिक्रिया