यू-२३ टोलीको कप्तानमा विमल घर्तीमगर, उप-कप्तानमा अनन्त तामाङ
सारांश
- काठमाडौं ।
- नेपालले एएफसी यू-२३ च्याम्प्यिनसिप खेल्ने भएको छ ।
- एएफसी यू-२३ को नेतृत्व विमल घर्ती मगरलाई दिइएको छ ।
काठमाडौं । नेपालले एएफसी यू-२३ च्याम्प्यिनसिप खेल्ने भएको छ । एएफसी यू-२३ को नेतृत्व विमल घर्ती मगरलाई दिइएको छ ।
दुई वर्षअघि नेपालले साफ यू १९ च्याम्पियनसिपको उपाधि जित्दाका कप्तान समेत रहेका विमलले यसपटक पनि एएफसी यू २३ टोलीको नेतृत्व गर्ने मौका पाएका छन् ।
नेपालका प्रशिक्षक राजुकाजी शाक्यले आइतबार २३ खेलाडीको अन्तिम छनोट गर्दै राष्ट्रिय टोलीमा समेत रहेको विमललाई कप्तानको जिम्मेवारी दिएका हुन् । यस्तै राष्ट्रिय खेलाडी अनन्त तामाङ टोलीको उप-कप्तान रहेका छन् ।
युएईमा हुने च्याम्पियनसिप छनोट खेल्न नेपाल असार २९ गते त्यसतर्फ प्रस्थान गर्नेछ । टोलीले मंगलबार काठमाडौंमा बंगलादेशसँगको मैत्रीपूर्ण खेल खेल्नेछ ।
समूह ‘डी’ मा परेको नेपालले पहिलो खेल आयोजक युइएसँग ३१ गते खेल्नेछ । साउन २ गते उज्वेकिस्तान र त्यसको दुई दिनपछि समूह चरणको अन्तिम खेलमा नेपालले लेबनानको सामना गर्नेछ ।
छनोट भएका यू २३ टोलीका खेलाडी
गोलकिपर – एलेन न्यौपाने, अशोक बराल, किशोर गिरी
रक्षक – अनन्त तामाङ, दीनेश राजवंशी, गौरव बुढाथोकी, कमल श्रेष्ठ, अमित तामाङ, निरज बस्नेत, छिरिङ गुरुङ, लक्ष्मण जिसी
मिडफिल्ड – हेमन गुरुङ, हेमन्त मगर, सुमन लामा, सुनिल बल, पुजन उपरकोटी, तेज तामाङ, डोना थापा, विवेक बस्नेत
फरवार्ड – विमल घर्ती मगर, अन्जन विष्ट, संजोग राई, विश्वास श्रेष्ठ
प्रतिक्रिया