राधा चौधरी बोक्सी प्रकरण: भोलेबाबा जेल चलान !

कैलाली, १८ जेठ ।  राधा चौधरीमाथि बोक्सी आरोपमा निर्घात कुटपिट गर्ने भोलेबाबा अर्थात रामबहादुर चौधरी ५ बर्षका लागी जेल चलान भएका छन ।

जिल्ला अदालत कैलालीका  जिल्ला न्यायाधीश पर्शुराम भट्टराईको एकल इजलासले चौधरी लाई पाँच वर्ष कैद र एक लाख रुपैयाँ जरिवाना गर्ने फैसला सुनाएको हाे ।

भोलेबाबालाई सहयोग गरेको भन्दै पक्राउ परेका अरु तीन जनालाई भने सफाई दिईएको छ ।

बोक्सीको आरोपमा राधा चौधरीमाथि कुटपीट गरेको भन्दै ६ जना विरुद्ध बोक्सी आरोप सम्बन्धी कसुर तथा सजाय ऐन र ज्यान मार्ने उद्योग अन्तर्गत मुद्धा चलाइएको थियो । त्यस्तै, भोलेबाबाका सहयोगी किस्मती चौधरीलाई एक वर्ष कैद र ५० हजार जरिवाना र स्मारीका चौधरीलाई ६ महिना कैद र २५ हजार जरिवाना भराउने फैसला सुनाएको जिल्ला अदालत कैलालीले जनाएको छ ।

यस्तै भोलेबाबालाई सहयोग रहेको भन्दै पक्राउ परेका स्थानीय चनकलाल चौधरी, वेदप्रसाद चौधरी र सीतारानी चौधरीलाई भने अदालतले सफाई दिइएको छ ।