रामप्रसाद राईलाई राष्ट्रिय विभूति घोषणा गर्न माग
सारांश
- काठमाडौं ।
- रामप्रसाद राई स्मृति प्रतिष्ठानको प्रतिनिधिमण्डलले २००७ सालको जनक्रान्तिका योद्धा रामप्रसाद राईलाई राष्ट्रिय विभूति घोषणा गर्न माग गरेको छ ।
- प्रधानमन्त्री केपी शर्मा ओलीलाई भेटी राष्ट्रिय विभूति घोषणा गर्न प्रस्ताव बुझाइएको हो ।
काठमाडौं । रामप्रसाद राई स्मृति प्रतिष्ठानको प्रतिनिधिमण्डलले २००७ सालको जनक्रान्तिका योद्धा रामप्रसाद राईलाई राष्ट्रिय विभूति घोषणा गर्न माग गरेको छ । प्रधानमन्त्री केपी शर्मा ओलीलाई भेटी राष्ट्रिय विभूति घोषणा गर्न प्रस्ताव बुझाइएको हो ।
स्मृति प्रतिष्ठानका अध्यक्ष तारादेवी राई र रामप्रसाद राई फाउण्डेशनका अध्यक्ष शुष्मा राईको संयुक्त प्रस्तावमा राईलाई राष्ट्रिय विभूति घोषणा गर्न सम्बन्धित निकायमा निर्देशनका लागि प्रधानमन्त्री समक्ष अनुरोध गरिएको छ ।
प्रतिनिधि मण्डलसँगको भेटमा प्रधानमन्त्री ओलीले यस विषयलाई आफूले गम्भीरतापूर्वक लिएको र छलफल अघि बढाएर उपयुक्त निर्णय गर्ने बताए । ‘तपाईंहरुले बडो महत्वको विषय उठाउनुभएको छ, रामप्रसाद राई को हुनुहुन्छ, मलाई राम्रोसँग जानकारी छ’ प्रधानमन्त्री ओलीले भने, ‘यस विषयमा छलफल अघि बढाएर उपयुक्त निर्णय लिइनेछ ।’
प्रतिक्रिया