राहदानी वितरण अनिश्चितकालका लागि बन्द
सारांश
- काठमाडौं ।
- देशैभर राहदानी (पासपोर्ट) छपाइ तथा वितरणको काम बन्द भएको छ ।
- राहदानी विभागको सिस्टममा आएकाे समस्याका कारण देशैभर राहदानी वितरणको काम पुस १९ गतेदेखि अनिश्चितकालका लागि बन्द भएकाे हाे ।
काठमाडौं । देशैभर राहदानी (पासपोर्ट) छपाइ तथा वितरणको काम बन्द भएको छ । राहदानी विभागको सिस्टममा आएकाे समस्याका कारण देशैभर राहदानी वितरणको काम पुस १९ गतेदेखि अनिश्चितकालका लागि बन्द भएकाे हाे ।
पुस १७ गतेदेखि नै सिष्टममा समस्या आएको भन्दै विभागले राहदानी छपाइ र वितरणकाे काम राेकेकाे थियाे । विभागले पुस १९ गतेदेखि अनिश्चितकालका लागि काम बन्द गरेकाे छ ।
सिस्टममा समस्या आएकाले अर्काे सूचना जारीनभएसम्मका लागि राहदानी आवेदनकाे स्टाटस हेर्ने तथा राहदानी वितरणको काम रोकिएको विभागले मंगलबार सूचनामार्फत जानकारी दिएकाे छ ।
समस्या समाधानका लागि निरन्तर काम भइरहेकाे र सिस्टम पूर्ण रुपमा सञ्चालन हुन केही समय लाग्ने सूचनामा उल्लेख छ । विभागले आवेदनकाे स्टाटस हेर्ने तथा राहदानी वितरणकाे सेवा लिनका लागि अर्काे सूचना जारी नभएसम्म कार्यालयमा उपस्थित नहुन भनेकाे छ ।
राहदानी आवेदनका लागि अप्वाइन्टमेन्ट डेट बुक गरेका सेवाग्राहीको बुक गरेको मितिमा बायोमेट्रिक भने संकलन हुने सूचनामा उल्लेख छ ।
प्रतिक्रिया