ललितपुरमा बर्डफ्लु भेटिएपछि ४४ सय हाँस, कुखुरा मारिए

शिखरन्युज, २७ जेठ- ललितपुरमा व्यापारिक प्रयोजनका लागि पालिएका ४ हजार भन्दा बढी हाँस, कुुखुरा मारिएका छन् । ललितपुरको गोदावरी, बडिखेल क्षेत्र अन्तगत पर्ने कृषकले पालेका ब्रोइलर कुखुरामा बर्डफ्लु भेटिएकाले मारिएको हो ।

गोदावरी, बडिखेल क्षेत्र यस अघि नै बर्डफ्लु संकटग्रस्त क्षेत्र घोषणा गर्दै कसैलाई पनि जान दिइएको थिएन । सर्वसाधारणलाई प्रवेश निषेध गरिएको त्यस बर्डफ्लु भेटिएको ठाउँमा शनिबारदेखि खुल्ला गरिएको छ ।

पशु स्वास्थ्य निर्देशनालय त्रिपुरेश्वर, पशुसेवा कार्यालय ललितपुरबाट गएको संयुक्त टोलीले त्यहाँ पालिएका ४ हजार ४ सय ८५ वटा हाँस, कुखुरा मारेका हुन् । बर्डफ्लु शंकास्पद स्थानमा पुगी त्यस टोलीले बडीखेलमा ९ सय २० र गोदावरी महादेवडाँडामा ३ हजार ४ सय ४४, स्थानीय कुखुर ७५ र ४१ वटा नष्ट गरेको बताएका छन् । 

महादेवडाँडामा ५ वटा हाँस, त्यहाँ भेटिएको १ हजार ९ सय ७२ केजी दाना पनि नष्ट गरिएको छ ।
बर्डफ्लु एच.एन. नामक भाइरसबाट लाग्ने सरुवा रोग भएकाले हाँसमा समेत रहेको हुन्छ ।  चिकित्सकका अनुसार हाँसबाट कुखुरा र अन्य पन्छीमा सरेपछि मात्रै लक्षण देखा पर्छ । पन्छीसँगको सम्पर्कमा रहने, मासु खाने व्यक्तिमा समेत सर्न सक्ने सम्भावना हुन्छ ।