वार्नरको कप्तानीमा बीपीएल डेब्यु गर्दै सन्दीप
सारांश
- काठमाडौं ।
- नेपाली क्रिकेट खेलाडी सन्दीप लामिछानेले आज बंगलादेश प्रीमियर लिग (बीपीएल)मा डेब्यु गर्ने भएका छन् ।
- उनको टीम सिल्हेट सिक्सर्सका कप्तान र टीम व्यवस्थापनले आजको खेलमा सन्दीपलाई खेलाउने निर्णय गरेका हुन् ।
काठमाडौं । नेपाली क्रिकेट खेलाडी सन्दीप लामिछानेले आज बंगलादेश प्रीमियर लिग (बीपीएल)मा डेब्यु गर्ने भएका छन् । उनको टीम सिल्हेट सिक्सर्सका कप्तान र टीम व्यवस्थापनले आजको खेलमा सन्दीपलाई खेलाउने निर्णय गरेका हुन् ।
बंगलादेशको राजधानी ढाकामा सन्दीपको टीम सिल्हेटले कोमिला भिक्टेरियन्ससँग पहिलो खेल खेल्दै छ । खेल केही समयपछि शुरु हुनेछ । सन्दीपको टीमको कप्तान अस्ट्रेलियाका डेविड वार्नर हुन् । उनी पनि बल टेम्परिंग काण्डपछि पहिलो पटक क्रिकेट मैदानमा देखिन लागेका हुन् ।
सन्दीपसँगै सिलेटको आजको प्लेइनिंग लिस्टमा वार्नर, निकोलश पुरान, आलोक कपाली, लिट्टन दाश, सब्बीर रहमान, अल अमीन हुसेन, तस्कीन अहमद, अफिफ हुसेन र ताहिद छनु् ।
वार्नरले टस हारेपछि पहिला ब्याटिंगको निम्तो पाएका छन् । नेपाली स्टार सन्दीप यसै सिजनबाट बीपीएलसँग आवद्ध भएका हुन् ।
यसअघि सन्दीप बिग ब्याश लिगमा उत्कृष्ट प्रदर्शन गरेर बंगलादेश प्रिमियर लिग खेल्न बंगलादेश पुगेका हुन्। सन्दीपको पछिल्लो पटक देखाएको उत्कृष्टता बंगलादेशको भूमिमा पनि कायम राख्ने सबैको विश्वास छ ।
बीबीएलको चार खेलमा आठ विकेट लिएर बंगलादेश उडेका बिग ब्याश सन्दीपको वकार युनिसको प्रशिक्षणमा रहेको सिल्हेट सिक्सर्सबाट सन्दीपले बीपीएल खेल्नेछन् ।
बंगलादेश प्रिमियर लिगमा आफ्नो टिमको पहिलो खेल सुरु हुनुभन्दा अगाडि शनिबार राति सिल्हेट सिक्सर्सले डिनर पार्टीको आयोजना गरेको थियो । डिनरमा सन्दीप प्रशिक्षक वकार युनिस, कप्तान डेभिड वार्नरलगायत टिमका अन्य खेलाडीसँग देखिएका थिए ।
प्रतिक्रिया