सवारी दुर्घटनामा परी दुई जनाको मृत्यु
सारांश
- उदयपुर, २६ असार ।
- पूर्वको झापाका गएराति भएको सवारी दुर्घटनामा परी दुई जनाको मृत्यु भएको छ ।
- झापाको बाह्रदशी गाउँपालिका–६ को भित्री सडकमा मे १ प २९४३ नम्बरको मोटरसाइकल दुर्घटना हुँदा चालक ४० वर्षीय सेनकुवा राजवंशीको मृत्यु भएको छ ।
उदयपुर, २६ असार । पूर्वको झापाका गएराति भएको सवारी दुर्घटनामा परी दुई जनाको मृत्यु भएको छ । झापाको बाह्रदशी गाउँपालिका–६ को भित्री सडकमा मे १ प २९४३ नम्बरको मोटरसाइकल दुर्घटना हुँदा चालक ४० वर्षीय सेनकुवा राजवंशीको मृत्यु भएको छ ।
दक्षिण तर्फबाट उत्तरतर्फ जाँदै गरेको मोटरसाइकलले कुकुरलाई जोगाउन खोज्दा राती भएको दुर्घटनामा टाउकोमा गम्भीर चोट लागेको थियो । उपचारका लागि बिएनबी अस्पताल लाँदै गर्दा बाटैमा मृत्यु भएको इलाका प्रहरी कार्यालय घैलाडुब्बाले जनाएको छ ।
त्यसैगरी झापाको शिवसतासी नगरपालिका–८ झिलझिलेमा मे ५ प ६८०९ नम्बरको मोटरसाइकलले ठक्करदिदा भारत बिरपुर घर भई ग्यारेजमा मिस्त्री काम गर्ने १९ वर्षीय मोहमद सहनीको मृत्यु भएको छ ।
सहनीलाई राती ९ बजे बाटो काट्ने क्रममा मोटरसाइकलले ठक्कर दिएको थियो । मोटरसाईकलको ठक्करबाट गम्भीर घाइते भएका पैदलयात्री सहनीको उपचारका क्रममा विएनसी अस्पताल विर्तामोडमा मृत्यु भएको इलाका प्रहरी कार्यालय झिलझिलेले जनाएको छ । ठक्कर दिने मोटरसाइकलका र त्यसका चालकलाई झिलझिले प्रहरीले नियन्त्रणमा लिएको छ ।
प्रतिक्रिया