साफ च्याम्पियनसिप फूटबलः अनन्तले दिलाए नेपाललाई अग्रता !

पहिलो खेलमा नेपाल पाकिस्तानसँग र भुटान आयोजकसँग पराजित भएकाले दुबैका लागि यो खेलमा गर या मरको स्थिती छ। जितले सेमिफाइनल सम्भावना जीवित राख्नेछ भने हारसँगै टोली बाहिरिनेछ।

दुई समूहमा बाडिएका सात टोलीमध्ये प्रत्येक समूहका दुई टोली दोस्रो चरणमा प्रवेश गर्नेछन्। समूह एमा समान ३ अंकका साथ पाकिस्तान र बंगलादेश शीर्ष दुईमा छन्। यस्तोमा भुटान र नेपालका लागि आज जित्दै तीन अंक बटल्नु महत्वपूर्ण छ।

साफ च्याम्पियन्ससिपको इतिहासमा नेपाल भुटानमाथि पुरै हावी छ। पहिलोपटक सन् २००३ मा ढाकामा भएको साफमा दुईबीच भएको प्रतिस्पर्धामा नेपालले भुटानलाई २–० ले पराजित गरेको थियो। बंगलदेशमा नै १५ वर्षपछि आज पुनः साफमा भुटानको सामना गर्दा नेपालको लक्ष्य जितमा ह्याट्रिक गर्दै सेमिफाइनल सम्भावना रहनेछ।

भुटानविरुद्ध साफमा अर्को जित पाकिस्तानको कराचीमा सन् २००५ मा आएको थियो। त्यसबेला भुटानलाई नेपाले ३ – १ ले पराजित गरेको थियो। अर्थात नेपाल भुटानसँग समग्रमा पनि आजसम्म हारेको छैन्।