सुर्खेतमा फोरमका उम्मेदवार काँग्रेसमा प्रवेश

सुर्खेत, मंसिर ६

संघीय समाजवादी फोरम नेपालका तर्फबाट  सुर्खेतको क्षेत्र नं. १ (ख) प्रदेश सभा सदस्यका लागि उम्मेदवार रहेका दिपलाल दमाई (दिलिप) नेपाली काँग्रेसमा प्रवेश गरेका छन् ।

मंगलबार एक विज्ञप्ति जारी गर्दै नेपाली कांग्रेसको नेतृत्वमा जारी भएको संघीय लोकतान्त्रिक संविधानको कार्यान्वयन र समग्र मुलुकको सम्मृद्धि कांग्रेसबाट मात्रै सम्भव रहेको ठहर गर्दै आफू नेपाली कांग्रेसमा प्रवेश गरेको  जानकारी दिएका छन् ।
राष्ट्रियता, स्वाभिमानी, जनताको गौरब र सम्मृद्ध नेपालको परिकल्पनालाई साकार पार्न सुर्खेतको क्षेत्र नं. १ तथा समग्र जिल्ला, प्रदेश हुँदै देशको विकास र सम्मृद्धिका लागि कांग्रेसका प्रभावशाली नेता पूर्णबहादुर खड्काले खेलेको भूमिका अतुलनीय भएको उनले जारी गरेको विज्ञप्तिमा उल्लेख गरेका छन् ।

काँग्रेसमा प्रवेश गरेलगत्तै दिलिपले लोकतन्त्रबाट मात्रै राष्ट्रको उन्नति, प्रगति र जनताको आधारभूत अधिकार सुनिश्चित हुने बताए ।