हजुरबा-हजुरआमालाई रमाइलो बनाउन मनोरन्जन सेवा केन्द्र

काठमाडौं, जेठ २७- काठमाडौँ महानगरपालिकाको वडा नं १८ मा हजुरबा हजुरआमालाई रमाइलो र खुसी पार्न मजोरन्जन सेवा केन्द्र बनाइएको छ । सेवा केन्द्रको महानगरका मेयर विद्यासुन्दर शाक्यले उद्घाटन गरेका छन् ।

मनोरञ्जन सेवा केन्द्रमा हार्मोनियम, तबला, पछिमा, बाँसुरी, मादलजस्ता वाद्ययन्त्र राखिएका छन् । ज्येष्ठ नागरिकलाई मनोरञ्जन दिन र सजिलै समय काट्ने व्यवस्था मिलाउन यस्तो गरिएको हो ।

१८ नम्बर वडामा वडामा ६० वर्ष उमेर पूरा भएका करीब ७ सय जना छन् । वडामा भएका ६० वर्ष उमेर पूरा भएका जेष्ठ नागरिकलाई लक्षित गरी जेष्ठ नागरिक मनोरञ्जन सेवा केन्द्र स्थापना गरिएको हो । सेवा केन्द्रमा जम्मा भएर बृद्धबृद्धालाई रमाइलो होस्, समय बिताउन सजिलो होस् भन्ने हेतुले बताइएको हो । वडाले सेवा केन्द्रका लागि २ लाख रुपियाँ खर्च गरिसकेको बताएको छ ।

कार्यक्रममा कामपाका प्रमुख शाक्यले लामो समय आफूले सबै उमेर समुहका व्यक्तिलाई प्राथमिकतामा राखेर काम गरेको बताए । उनले जेष्ठ नागरिकको समस्यालाई ध्यानमा दिंदै समाधान गर्नेतिर लागिरहेको बताए ।