हतियार छोडेर लड्न जाने नारायणकाजीको तर्क
सारांश
- काठमाडौं, १७ पुस ।
- माओवादी केन्द्रका नेता नारायणकाजी श्रेष्ठले हतियार छोडेर लड्न जाने तर्क अगाडि सारेका छन् ।
- एमाले र माओवादी केन्द्रबीच एकताको सैद्धान्तिक आधार के हुने भन्ने बहस चलिरहेका बेला एकता संयोजन समितिका सदस्य समेत रहेका श्रेष्ठले दुबै दलले अपनाउँदै आएका सिद्धान्त छाड्नुपर्ने प्रस्ताव गरेका छन् ।
काठमाडौं, १७ पुस । माओवादी केन्द्रका नेता नारायणकाजी श्रेष्ठले हतियार छोडेर लड्न जाने तर्क अगाडि सारेका छन् । एमाले र माओवादी केन्द्रबीच एकताको सैद्धान्तिक आधार के हुने भन्ने बहस चलिरहेका बेला एकता संयोजन समितिका सदस्य समेत रहेका श्रेष्ठले दुबै दलले अपनाउँदै आएका सिद्धान्त छाड्नुपर्ने प्रस्ताव गरेका छन् ।
एमालेले अपनाउँदै आएको “जनताको बहुदलीय जनवाद (जबज)” र माओवादीले भन्दै आएको “माओवाद”को सिद्धान्त तत्कालका लागि थाँती राख्ने उनको तर्क छ । नयाँ सैद्धान्तिक आधार तयार गर्दा मात्र पार्टी एकता सम्भव हुने उनको धारणा छ ।
“माओवादीले जबज मान्नुपर्छ भन्ने अडानमा एमाले र एमालेले माओवाद स्वीकार्नुपर्छ भन्नेमा माओवादी रहेसम्म पार्टी एकता हुन सक्दैन”, नेपाल अध्ययन केन्द्रद्वारा आइतबार राजधानीमा आयोजित “वामपन्थी एकताको आधार” विषयक बहसमा माओवादी नेता श्रेष्ठले भने, “माओवाद र जबज दुबैलाई अहिले ड्रप गरेर जानुपर्छ ।” उनले दुवै दलले माक्र्सवाद–लेनिनवादको सिद्धान्त मानेकाले त्यसलाई मूल आधार मानेर नयाँ परिवेशअनुसार कसरी अघि बढ्ने भन्ने सैद्धान्तिक बाटो तय गर्नुपर्ने कुरा औंल्याएको आजको कान्तिपुर दैनिकमा समाचार छ ।
प्रतिक्रिया