२४ गतेदेखि ३१ सम्म सवारी साधनलाई रुट परमिट नचाहिने
सारांश
- काठमाडौ ।
- दसैंलाई ध्यानमा राख्दै यातायात व्यवस्था विभागले असोज २४ गतेदेखि सार्वजनिक यातायातलाई इजाजतपत्र (रुट परमिट) खुला गरेको छ।
- नेपालीको महान पर्व दशैँ, तिहार र छठ नजिकिएसँगै काठमाडौँ बाहिर जाने, आउने यात्रुलाई सजिलो बनाउन असोज २४ देखि ३१ गतेसम्म इजाजतपत्र खुला गरेको हो।
काठमाडौ । दसैंलाई ध्यानमा राख्दै यातायात व्यवस्था विभागले असोज २४ गतेदेखि सार्वजनिक यातायातलाई इजाजतपत्र (रुट परमिट) खुला गरेको छ।
नेपालीको महान पर्व दशैँ, तिहार र छठ नजिकिएसँगै काठमाडौँ बाहिर जाने, आउने यात्रुलाई सजिलो बनाउन असोज २४ देखि ३१ गतेसम्म इजाजतपत्र खुला गरेको हो।
त्यस समयमा सामान बोकेर काठमाडौँ भित्रिने ठूला सवारी साधन सञ्चालनमा भने रोक लगाएको छ । ठूला सवारी साधन गुड्दा अरु सवारीलाई समस्या हुने भएकाले असोज २४ देखि ३१ सम्म काठमाडौँ आउने ठूला सवारीलाई रोक लगाएको हो।
रुट परमिट नचाहिने भएपछि जुनसुकै सवारी साधन जता पनि जान पाउने भएपछि यात्रुलाई सजिलो हुने भएको छ ।
इजाजतपत्र खुला भएसँगै चाडबाडको समयमा यात्रुलाई सुरक्षित गन्तव्यमा ल्याउन तथा लैजानका लागि सहज हुने यातायतात व्यवसायीले बताएका छन्।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया