४८ वटा फ्ल्याट ध्वस्त, चारजनाको मृत्यु, ४० बेपत्ता
सारांश
- काठमाडौं, १७ पुस ।
- रुसको ४८ तले घरमा विष्फोट हुँदा चार जनाको मृत्यु भएको छ ।
- ४० जना वेपत्ता भएका छन् ।
काठमाडौं, १७ पुस । रुसको ४८ तले घरमा विष्फोट हुँदा चार जनाको मृत्यु भएको छ । ४० जना वेपत्ता भएका छन् । नयाँ वर्ष मनाइरहेको बेला विष्फोट भएको थियो । विष्फोटका कारण दुई वटा फ्ल्याट पूरै क्षतिग्रस्त भएका छन् ।
भवनमा १२० जना मानिसहरु बस्दै आएका थिए । अधिकारीका अनुसार विष्फोट ग्यास चुहिएर भएको हो । भवनको भग्नावशेषबाट ५० जनालाई उद्धार गरिएको रुसी समाचार च्यानल वेस्तीले जनाएको छ ।
त्यसमा सात जना बालबालिका छन् । घाइतेहरुलाई अस्पताल पठाइएको छ । अन्य व्यक्तिहरु भग्नावशेषमा पुरिएको अनुमान छ । उद्धारमा ढिलाइ भएमा मानवीय क्षति बढ्न सक्ने आशंका गरिएको छ ।
रुसी राष्ट्रपति भ्लादिमिर पुटिनले घटनास्थलको निरीक्षण गरेका छन् । उनले उद्धार र राहत कार्यमा हरप्रकारले सहयोग गर्ने वाचा गरेका छन् ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया