बुटवल उपमहानगरपालिकामा एमालेको विजयी सुरुवात ! धनकुटाकामा ६ ठाउँमा एमालेको अग्रता !

बुटवल,
जिल्लाको एक मात्र उपमहानगरपालिका बुटवल उपमहानगरपालिकामा नेकपा एमालले विजयी सुरुवात गरेको छ । बुटवलको वडा नं. १ मा नेकपा एमालेका मेहन्द्र लिगल विजयी हुनुभएको हो । उहाँले ६ सय ६० मत प्राप्त गर्नुभयो भने उहाँको प्रतिद्वन्दी नेपाली काँग्रेसका नरेन्द्र बस्नेतले ५ सय २५ मत प्राप्त गर्नुभयो । वडा नं. १ बाट एक महिला सदस्य बाहेक अन्य सम्पुर्ण पदमा एमाले विजयी भएको हो । १८ सय ७१ मतको मतपरिणाम सार्वजनिक हुँदा वडा अध्यक्षमा एमाले विजयी भएपनि मेयर पदमा नेपाली काँग्रेसका खेलराज पाण्डेले अग्रता कायमै राख्नुभएको छ ।
१८ सय ७१ मतको परिणाम सार्वजनिक हुँदा नेपाली काँग्रेसका मेयर पदका उम्मेदवार खेलराज पाण्डेले ९७७ मत प्राप्त गर्नुभएको छ भने एमालेका शिवराज सुवेदीले ५ सय ९४ मत प्राप्त गर्नुभएको छ । त्यस्तै उपमेयरमा भने विहानै देखि नै नेकपा एमालेकी गोमा आचार्यले अग्रता कायमै राख्नुभएको छ । उहाँले पछिल्लो परिणाम अनुसार ६ सय ८४ मत प्राप्त गर्नुभयो भने माओवादी केन्द्रका जगत पोखरेलले ६ सय ८२ मत प्राप्त गर्नुभयो । २ मतले एमाले उपमेयर पदकी उम्मेदवार आचार्यले अग्रता बनाउनुभएको छ । अब बुटवलको वडा नं. २ को मतगणना सुरु भएको छ । जुन वडाबाट २३ सय ८६ मत खसेको छ ।

धनकुटा,
साँगुरीगढी गाउँपालिकामा एमाले र कांग्रेसका अध्यक्षका उम्मेदवारको बराबरी मत भएको छ । ६ सय मत गन्दा एमाले र कांग्रेसका उम्मेदवार समान २१९ मत पाएका छन् । उपाध्यक्षमा एमालेकी उम्मेदवारले २०९ मत र संघीय समाजवादी फोरमका उम्मेदवारले १५४ मत पाएका छन् ।

छथर जोरपाटी गाउँपालिकामा एमालेका अध्यक्ष उम्मेदवारले ३५४ र उपाध्यक्षले ३४१ मत पाएका छन् । माओवादी केन्द्रका अध्यक्षका उम्मेदवार २३१ र उपाध्यक्षले २६२ मत पाएका छन् ।
खाल्सा छिन्ताङ गाउँपालिकामा एमालेका अध्यक्ष उम्मेदवारले ९३३ र उपाध्यक्षले ९६८ मत पाएका छन् । त्यस्तै कांग्रेसका अध्यक्ष उम्मेदवारले ५०५ र उपाध्यक्षले ४०८ मत पाएका छन् ।

महालक्ष्मीमा नगरपालिकामा पनि एमालेले मेयरमा ६२१ र उपमेयरमा ६५४ मत पाएका छन् । कांग्रेसले मेयरमा १९६ र उपमेयरमा राप्रपा १७० मत पाएको छ ।

धनकुटा नगरपालिकामा एमालेका मेयरले १ हजार २७५ र उपमेयरले १ हजार २९३ मत पाएका छन् । माओवादी केन्द्रका मेयरले ३०९ र उपमेयर ३ सय मत पाएका छन् । कांग्रेसका मेयरले ३०१ र उपमेयरमा ३८७ मत पाएका छन् ।

पाख्रीबास नगरपालिकामा एमालेले मेयरमा २७४ र उपमेयरमा २९५ मत पाएको छ । कांग्रेसले मेयरमा २१३ र उपमेयरमा १७९ मत पाएको छ ।

चौविसे गाउँपालिकामा मा एमालेले अध्यक्षमा २६७ र उपाध्यक्षमा २८६ मत पाएको छ । कांग्रेसले अध्यक्षमा १६८ र उपाध्यक्षमा संघीय समाजवादी फोरमले २२७ मत पाएका छन् ।