रोहित र राहुलको सतकमा भारतको जित, अंक तालिकाको शीर्ष स्थानमा उक्लियो

एजेन्सी । विश्वकप क्रिकेटको लिग चरणको अन्तिम खेलमा भारतले श्रीलंकालाई ७ विकेटले पराजित गरेको छ । लिड्सस्थित हेडिङ्ले मैदानमा श्रीलंकाले दिएको २६५ रनको लक्ष्य भारतले ४३.४ ओभरमा ३ विकेट गुमाएर पुरा गर्यो। भारतको जितमा रोहित शर्मा र केएल राहुलले शतक प्रहार गरे । रोहितले १ सय ३ रनको शतकिय ईनिङ्स खेल्दा के एल राहुलले १ सय ११ रन बनाए ।

यस्तै कप्तान विराट कोहली ३४ रनमा नटआउट रहे  l श्रीलंकाका लाथिस मालिङ्गा, कासुन राजिथा र इसुरु उडानाले समान एक एक विकेट लिए । यसअघि टस जितेर पहिले ब्याटिङ गरेको श्रीलंकाले निर्धा्रित ५० ओभरमा ७ विकेटको क्षतिमा २ सय ६४ रन बनाएको थियो । १२ ओभरमा ४ विकेट गुमाएको श्रीलंकाका लागि एन्जेलो म्याथ्युज र लहिरु थिरिमानेले १ सय १२४ रनको साझेदारी गर्दै

श्रीलंकाको सम्मानजनक स्थितिमा पुर्याएका थिए । श्रीलंकाका म्याथ्युजले सर्वा्धिक १ सय १३ रनको शतकीय इनिङ्स खेले । थिरिमानेले ५३ रनको अर्धशतकीय इनिङ्स खेल्दा धनन्जय सिल्भाले २९ रनको योगदान गरे । भारतका जस्प्रित बुम्राहले ३ विकेट लिए। भारतले ९ खेलबाट १५ अंक जोड्दै तालिकाको शीर्ष स्थानमा उक्लिएको छ । श्रीलंका ८ अंक सहित प्रतियोगिताबाट बाहिरिएको छ ।

यो पनि पढ्नुस्
खेर गयो वार्नरको सतक, दक्षिण अफ्रिका १० रनले विजयी
एजेन्सी । इंग्ल्याण्डमा जारी आईसीसी एकदिवसीय विश्वकप क्रिकेट अन्तर्गत लिग चरणको अन्तिम खेलमा अष्ट्रेलिया पराजित भएको छ।म्यानचेस्टरमा शनिबार रति भएको खेलमा अष्ट्रेलिया दक्षिण अफ्रिकासँग १० रनले पराजित भएको हो ।

ओल्ड ट्राफोर्डमा दक्षिण अफ्रीकाले दिएको ३२६ रनको लक्ष्य पछ्याएको अष्ट्रेलिया ४९ ओभर ५ बलमा अलआउट हुँदै ३१५ रनमा समेटियो ।अष्ट्रेलियाका लागि डेभिड वार्नरले शतकीय इनिङ्स खेलेपनि टोलीलाई जित दिलाउन सकेनन् । उनले ११७ बलमा १५ चौका र २ छक्कासहित १२२ रन बनाए । यस्तै एलेक्स केरीले ८५ रनको अर्धशतकीय इनिङ्स खेले ।

दक्षिण अफ्रिकाका लागि कागिसो रबाडाले ३ विकेट लिए । यस्तै एडिले लक्की र ड्वाने प्रिटोरिउसले २र२ विकेट लिए । यसअघि टस जितेर पहिले ब्याटिङ गरेको दक्षिण अफ्रीकाले ५० ओभर खेल्दै ६ विकेट गुमाएर ३२५ रन बनाएको थियो । दक्षिण अफ्रीकाका लागि कप्तान फाप डु प्लेसिसले शतकीय इनिङ्स खेलेका थिए । उनले १०० रन बनाएका थिए ।

यस्तै भान डेर डुसेनले ९५ रनको अर्धशतकीय इनिङ्स खेल्दा क्विनटन डी ककले ५२ रनको अर्धशतकीय इनिङ्स खेले। अष्ट्रेलियाका मिचेल स्टार्क र नाथन लायनले २र२ विकेट लिए । यो हारसंगै अष्ट्रेलिया अंक तालिकाको दोस्रो स्थानमा रहदै सेमिफाइनलमा पुगेको छ । अष्ट्रेलियाले ९ खेलबाट १४ अंक जोड्यो । १५ अंक जोडेको भारत शीर्ष स्थानमा रहेर सेमिफाइनल पुग्यो ।