साग महिला भलिबलमा आज नेपाल भारतसँग खेल्दै

काठमाडौं। १३औं साग अन्तरगत महिला भलिबलमा आज नेपाल भारतसँग खेल्दैछ । खेल ४ बजेपछि त्रिपुरेश्वस्थित राखेप कभर्डहलमा शुरु हुनेछ।

शनिबार भएको सेमिफाइनलमा श्रीलंकामाथि ३–० को सोझो सेटमा जित हात पार्दै फाइनलमा प्रवेश गरेपछि नेपालले कम्तीमा पनि रजतपदक पक्का गरेको थियो।

नेपाल सागको महिला भलिबलमा पहिलोपटक फाइनलमा प्रवेश गरेको हो। नेपाली टोलीकी कप्तान अरुणा शाहीले फाइनल पुगेर इतिहास रचिसकेको बताईन्। अब भारतविरुद्ध स्वर्ण जित्ने लक्ष्यमै कोर्टमा उत्रने बताएकी शाहीले छिन्।

शाहीले समूह चरणमा हार बेहोरेपनि त्यसलाई बिर्सेर टोलीले अझ राम्रो प्रदर्शन गर्न तयार रहेको थपिन्। यता, भारत घरेलु समर्थक र घरेलु कोर्टमा नेपाललाई स्तब्ध पार्दै लगातार स्वर्ण आफ्नो पक्षमा पार्ने लक्ष्यमा हुनेछ । नेपालविरुद्ध सुरुवाती सेटमा हार नजिक पुगेर पनि उत्कृष्ट पूनरागमन गर्दै जित निकालेको थियो । भारत सोही प्रदर्शनलाई निरन्तरता दिदै स्वर्ण जित्ने लक्ष्यमा हुनेछ।