आफ्नो जन्म गाउँमा साढे २ सय रोपनी जग्गा किन्दै प्रधानमन्त्री ओली
सारांश
- काठमाडौं।
- प्रधानमन्त्री केपी शर्मा ओली आफ्नो जन्म दिन मनाउन जन्म घर तेह्रथुमको आठराई गाउँपालिका वडा नम्बर २ को इवा, पोखरीस्थित घरमा जाँदैछन्।
- यही फागुन ११ गते उनी ६८ वर्ष पुग्दैछन्।
काठमाडौं। प्रधानमन्त्री केपी शर्मा ओली आफ्नो जन्म दिन मनाउन जन्म घर तेह्रथुमको आठराई गाउँपालिका वडा नम्बर २ को इवा, पोखरीस्थित घरमा जाँदैछन्। यही फागुन ११ गते उनी ६८ वर्ष पुग्दैछन्। ६९ औं जन्म दिनलाई भव्य बनाउने तयारी इवा, पोखरीमा शुरु भइसकेको छ।
यो जन्मघरमा जन्म दिन मनाउने ओलीको धोको पुरा गर्न भने त्यति सजिलो थिएन। धेरै वर्ष अगाडि ओलीका बाबु मोहनप्रसाद ओलीले यो घर र आफ्नो जग्गा बेचिसकेका थिए। उनीबाट त्यो जग्गा किन्नेले पनि अर्को व्यक्तिलाई बेचेका थिए।
यही फागुन ११ गतेको जन्मदिनका लागि आइतबार जिल्लाबाट सुरक्षा अधिकारी र पार्टीका नेताहरु इवा पोखरी पुगेका थिए। पार्टीका नेताहरुले त्यहाँ रहेको पोखरी उच्च माध्यमिक विद्यालयमा स्थानीयलाई भेला गरेर जन्मदिन भव्य मनाउनेबारे जानकारी दिएका छन्। साथै सोही दिन इवा, पोखरीलाई मदन भण्डारीको जन्म गाउँ ताप्लेजुङको ढुंगेसाँघु जोड्ने मोटरबाटोलाई पीच गर्ने कार्यको शिलान्यास गरिने जानकारी दिइएको छ। र सोही दिन साहित्यिक कार्यक्रमसमेत गरिने नेपाल प्रज्ञा प्रष्ठिानका अधिकारीहरुले माइकिङ गरेका छन्।
प्रतिक्रिया