एमालेलाई पक्षउदै नयाँ शक्ति

मधेसका एक राजनीतिककर्मीले विचार पोखे, ‘पूर्वपश्चिम (महेन्द्र) राजमार्गको निर्माण हुनुभन्दा धेरै अगाडि ट्रयाक खुलेको तराई मधेसको दक्षिणी सीमावर्ती क्षेत्रको हुलाकी सडकलाई बेलैमा स्तरोन्नति गरिएको हुन्थ्यो भने तराई मधेसका दक्षिणी सहरहरु अहिले देशकै आर्थिक केन्द्र बनिसक्थे । तर, महेन्द्रले मधेसलाई वेवास्ता गर्दै वनजंगल सखाप पार्न र नयाँ वस्ती बसाउन महेन्द्र राजमार्ग बनाए ।’

त्यसो त केही समयअघि देशकै दोस्रो ठूलो दल नेकपा एमालेले चुनावकेन्दि्रत मेची महाकाली अभियान सञ्चालन गरेको थियो । जब एमालेको अभियान सप्तरीमा पुग्यो, एकाएक परिस्थिति बदलिन गयो र अनाहकमा ५ जना नागरिकको ज्यान गयो ।
परिणामतः एमालेले आयोजना गरेको अभियानका क्रममा मधेसविरोधी जस्तो बन्न पुग्यो । संविधान जारी गर्दादेखि नै असन्तुष्ट रहेको तराई-मधेसमा त्यसयता झन् बढी असन्तुष्टि बढेको महशुस देखियो ।
हिमालदेखि तराई मधेससम्म फैलिएको देशको भौगोलिकदेखि जातीय, भाषीक र सांस्कृतिक विविधतालाई एउटै मालामा उनेर इन्द्रेणी राष्ट्रवादको माला बनाउनुपर्छ भन्दै नयाँ शक्तिका नेताहरुले अभियानका क्रममा भाषण गरे । उनीहरुले त्यही इन्द्रेणी राष्ट्रियताले देशको आन्तरिक राष्ट्रियता मजबुद बनाउने र त्यो नै मुलुकको समृद्धि र प्रगतिको आधार हुने बताउँदै गर्दा मधेसमा जनताको उपस्थिति उत्साहपूर्ण देखिन्थ्यो ।