आज शेर्पा समुदायको ग्याल्पो ल्होसार, राष्ट्रपतिको शुभकामना

शिखरन्यूज संवाददाता, काठमाडौं, ४ फागुन -आज शेर्पा समुदायले नयाँ बर्षका रुपमा ग्याल्पो ल्होसार मनाउदै छन् । ग्याल्पो ल्होसारका अवसरमा सरकारले आज सार्वजनिक बिदा समेत दिएको छ ।

शेर्पा समुदायले आज आँगन, घरको छत लगायत गुम्बा अनि चैत्यहरुमा भएका पुराना ध्वजाहरुलाई परिवर्तन गरी नयाँ राख्छन् । हिमालका हावाले मन्त्र लेखिएका कपडाका ध्वजालाई फर्रफर्र हल्लाउदा एउटा अदभूत संगीतको धुन निस्कन्छ ।

ग्याल्पो ल्होसारको अवसरमा राष्ट्रपति विद्यादेवी भण्डारी, उपराष्ट्रपति नन्दबहादुर पुन लगायतले शुभकामना दिदै ग्याल्पो ल्होसार पर्वले आपसी सद्भाव नेपाली जनताबीच बन्धुत्व, पारस्परिकता र सद्भाव कायम राख्ने विश्वास राखेका छन् । शुभकामनामा नेपालको संस्कृतिलाई मद्दत पुर्याउने विश्वास व्यक्त गर्दै परम्पराको संरक्षण तथा प्रर्वद्धन गर्न सवैमा हौसला प्रदान गरोस भन्ने कामना गरेका छन् ।

नेपालमा तीन किसिमका ल्होसार पर्व मनाउने चलन छ । तिनप्रकारका ल्होसारहरु मध्य हिमाली समुदायले मनाउने ल्होसारलाई विशेषतः ग्याल्पो ल्होसार भनिन्छ । जुनसुकै समुदायको ल्होसार भएपनि अन्य समुदायको पनि सक्रिय सहभागिताता रहेको देखिन्छ । शेर्पा, तामाङ, गुरुङ, हुम्ली, मुस्ताङी अनि मनाङी लगायत अन्य धेरै समूदायकोयो एउटा साझा ल्होसार हो ।

यस पर्वलाई शेर्पा समुदायले ३ दिनसम्म बिशेष महत्व दिएर मनाउने गर्दछ । पारिवारिक जमघट, आफन्तसँग भेटघाटका साथ मीठा मीठा परिकार खाँदै एक अर्कामा शुभकामना आदानप्रदान गरेर मनाउँछन् । आज मैदाको पिठोबाट बनाईएको एकप्रकारको मिठाई विशेष परिकार खाप्से पनि बनाउने गर्छन । आजका दिन उम्रिने गरि गहुँको बिऊ छरिएको हुन्छ, जसलाई लोपूलु भनिन्छ, यसरी उम्रिएको गहुँको टुसालाई आज नयाँ वर्षको नयाँ बालीका रुपमा लिईन्छ ।

ल्होसारको अवसरमा साँझमा विभिन्न नौ प्रकारका अन्न मिसाएर तयार पारिएको हुन्छ । नौथरि मिसाएकोलर्इ गुथुकु भनिन्छ । यो परिकार आफन्त, नातागोता तथा इष्टमित्र र घर गाउँले मिलेर एक आपसमा खुसी साटासाट गर्दै बाँडेरखाने गर्दछन् । गुथुक पिठोको छुट्टाछुट्टै डल्ला बनाई त्यसभित्र बेग्लाबेग्लै सेतो कपडा, गहुँ, कागज, खुर्सानी, कोइला, घ्यू र नुन राखेरपकाइएको हुन्छ ।