शाहीको अध्यक्षतामा अछाम–काठमाडौं सम्पर्क समाज
सारांश
- काठमाडौं, १२ साउन ।
- अछामबाट काठमाडौं आई विभिन्न पेसा, व्यवसाय गर्दै रहेका राप्रपासँग आस्थावानहरुको भेलाले लोकेन्द्रबहादुर शाहीको अध्यक्षतामा अछाम–काठमाडौं सम्पर्क समाज गठन गरेको छ ।
- राप्रपा केन्द्रीय कार्यालय धुम्बाराहीको हलमा शनिबार आयोजित भेलाले समाजको उपाध्यक्षमा कृष्णराज उपाध्याय, सचिवमा मंगल बहादुर शाही, कोषाध्यक्षमा रमेशकुमार भूल, सहसचिबमा आदेश शाही तथा प्रवक्तामा रमेश अधिकारीलाई चयन गरेको छ ।
काठमाडौं, १२ साउन । अछामबाट काठमाडौं आई विभिन्न पेसा, व्यवसाय गर्दै रहेका राप्रपासँग आस्थावानहरुको भेलाले लोकेन्द्रबहादुर शाहीको अध्यक्षतामा अछाम–काठमाडौं सम्पर्क समाज गठन गरेको छ । राप्रपा केन्द्रीय कार्यालय धुम्बाराहीको हलमा शनिबार आयोजित भेलाले समाजको उपाध्यक्षमा कृष्णराज उपाध्याय, सचिवमा मंगल बहादुर शाही, कोषाध्यक्षमा रमेशकुमार भूल, सहसचिबमा आदेश शाही तथा प्रवक्तामा रमेश अधिकारीलाई चयन गरेको छ ।
यस्तै सदस्यहरुमा कमलबहादुर शाही, अर्जुन शाही, निर्मला शाही, कमल विष्ट, विष्णु ढुंगाना, दीपेन्द्र शाही, तपेन्द्र शाही, लक्ष्मी शाही (क), जीवन थापा, लक्ष्मी शाही (ख) र महेन्द्र कुँवर चुनिएका छन् । उक्त भेलालाई प्रमुख अतिथिको आसनबाट सम्बोधन गर्दै पार्टीका महामन्त्री तथा सांसद राजेन्द्र लिङ्देनले अछाम–काठमाडौं सम्पर्क समाजको गठनबाट पार्टी संगठनमा ठूलो टेवा पुगेको बताउँदै निष्ठावान भई निरन्तर संघर्ष गरेमा अवश्य सफलता मिल्ने बताए ।
राप्रपाको एजेण्डा वजनदार भएकोले पार्टीको संगठनलाई विस्तार गर्दै गाउँगाउँमा, घरघरमा पार्टीले बोकेका विचारहरुलाई पु¥याउन सकेमा राप्रपालाई देशको अग्रणी शक्तिको रुपमा स्थापित गर्न कुनै समस्या नहुने उनले स्पष्ट पारे ।
सम्बोधनकै क्रममा पार्टीका महामन्त्री धवल शमशेर राणाले नवगठित अछाम–काठमाडौं सम्पर्क समाजले राप्रपाको अभियानलाई ठूलो सहयोग पुग्ने विश्वास व्यक्त गरेका थिए । भेलालाई सम्बोधन गर्दै पार्टीका कार्यवाहक महामन्त्री, सचिवालय प्रमुख तथा सम्पर्क समाज समन्वय विभाग प्रमुख भाष्कर भद्राले अछाम–काठमाडौं सम्पर्क समाजको गठनले पार्टीलाई हौसला प्रदान भएको भन्दै अन्य जिल्लाहरुको पनि सम्पर्क समाज चाँडै गठन हुने जानकारी प्राप्त भएको बताए ।
राप्रपा जिल्ला कार्य समिति अछामका अध्यक्ष मीनबहादुर शाहीको अध्यक्षतामा सम्पन्न सो भेलामा नवगठित सम्पर्क समाजको समितिलाई कर्णाली प्रदेशका अध्यक्ष धनबहादुर बुढा, ७ नं. प्रदेशका अध्यक्ष श्याम बहादुर शाही, राप्रपा जिल्ला कार्य समिति बैतडीका अध्यक्ष प्रेम चन्द, राप्रविसंका अध्यक्ष महेशबहादुर सिंहलगायतले शुभकामना दिएका थिए ।
प्रतिक्रिया