रच्ला नेपालले इतिहास ? पुग्ला पहिलो पटक फाईनल ?

काठमाडौँ, २४ भदौ । बंगलादेशमा जारी १२ औँ साफ च्याम्पियनसिप फूटबलमा नेपालले सेमिफाइनलको यात्रा पक्का गरेको छ । शनिबार आयोजक बंगलादेशलाई २–० को गोल अन्तरले हराउँदै नेपाल सेमिफाईनल प्रवेश गरेको हो । नेपालका लागि विमल घर्ति र नवयुग श्रेष्ठले एकएक गोल गरे । यो नेपालको पाँच वर्ष पछिको सेमिफाईनल यात्रा हो । यसअघि २०१३ मा काठमाडौँमा भएको प्रतियोगितामा नेपाल चाँैथो भएको थियो ।

नेपाल यसअघि चार पटक सेमिफाईनल पुगेपनि फाईनल पुग्न अझै सकेको छैन । नेपालको अहिलेसम्मको उत्कृष्ट नतिजा पहिलो साफ च्याम्पियनसिप मै आएको थियो जहाँ नेपालले तेस्रो स्थान हात पा¥यो । पाकिस्तान, बंगलादेश र नेपालको समान अंक भएपनि गोल संख्याको आधारमा नेपाल पहिलो स्थानमा छ भने पाकिस्तान र बंगलादेश क्रमश दोस्रो र तेस्रो स्थानमा रहेका छन् । नेपाल, पाकिस्तान र बंगलादेशको गाल संख्या क्रमश ७, ५ र ३ रहेको छ । नेपालले भुटान विरुद्ध सर्वाधिक ४ गोल प्रहार गरेको थियो भने बंगलादेशलाई २ र पाकिस्तानलाई १ गोल प्रहार गरेको थियो ।

समूह ए को शिर्ष स्थानमा रहेको नेपालले समूह बि को दोस्रो स्थानमा रहने टोलिसँग सेमिफाईनल खेल खेल्नेछ । समूह बि को भने सबै खेल सकिएको छैन । दुवै सेमिफाईनल खेल १२ सितम्बर अर्थात आउने बुधबार हुनेछन् ।

यदि नेपाल फाईनल सम्म पनि पुग्यो भने त्यो पहिला पटक हुनेछ । तर यहाँ सम्म आइसकेपछि उपाधि कब्जा गर्ने धेयले खेलाडीहरु मैदानमा उत्रनेछन् । साफ च्याम्पियनसिपमा भारतको एकलौटि राज भएको मान्न सकिन्छ । भारतले अहिले सम्म ७ पटक उपाधि जितिसकेको छ । भने श्रृलंका, माल्दिब्स र अफगानीस्तानले एकएक पटक उपाधि जितेका छन् ।