प्रकाशलाई सच्चा श्रद्धाञ्जली दिन देशका लागि राम्रो गरौँ: प्रधानमन्त्री

काठमाडौँ, ३ मंसिर ।  बिरामी भएर अस्पताल भर्ना भएका प्रधानमन्त्री केपी शर्मा ओली निको भएपछि सोमबार पहिलो पटक सार्वजनिक कार्यक्रममा सहभागी भएका छन् । उनी प्रचण्ड पुत्र प्रकाश दाहालको प्रथम स्मृति तथा श्रद्धाञ्जली सभामा सोमबार सहभागी भएका हुन् ।
प्रधानमन्त्री ओलीले श्रद्धाञ्जली सभामा संक्षिप्त सम्बोधन गर्दै देशका लागि राम्रो गरे प्रकाश दाहालप्रति सच्चा श्रद्धाञ्जली व्यक्त हुने बताए ।

‘आज यस्तो दिनमा राजनीतिक कुरा गर्दैन, होनाहार र सक्षम छोरा गुमाउदाको पीडालाई शक्तिमा बदल्नुभयो प्रचण्ड जीले । त्यो सबैभन्दा ठूलो कुरा हो, अब हामीले देशकालागि राम्रो काम गरेमा प्रकाशको सच्चा श्रद्धाञ्जली हुनेछ,’ मधुरो स्वरमा बोलेका प्रधनमन्त्री ओलीले भने । श्रद्धाञ्जली सभामा प्रधानमन्त्री ओली पत्नी राधिका शाक्य सहित सहभागी थिए ।