न्यायाधीश जोशीका सबै काम खोसिए

काठमाडौं । प्रधानन्यायाधीश चोलेन्द्रशम्शेर जबराले कार्यभार सम्हालेपछि संसदबाट यसअघि प्रधानन्यायाधीशका लागि अस्विकृत भएका न्यायाधीश दीपकराज जोशीको सबै कामबाट फिर्ता गरिदिएका छन् ।

प्रन्याय राणाले बिहिबार न्यायपरिषद्को बैठक राखी संवैधानिक इजलासबाट समेत उनलाई हटाएका छन् । संवैधानिक इजलासमा प्रधानन्यायाधीश राणा, न्यायाधीशहरु दीपककुमार कार्की, केदारप्रसाद चालिसे, मीरा खड्का र हरिकृष्ण कार्कीको रहने निर्णय परिषदले गरेको छ । संवैधानिक इजलासमा प्रधानन्यायाधीशसहित पाँच जना न्यायाधीश रहने व्यवस्था छ ।

संवैधानिक इजलासमा वरिष्ठतम न्यायाधीश दीपकराज जोशी रहेका थिए । नवनियुक्त प्रधानन्यायाधीश राणाले बुधबारदेखि नै जोशीलाई मुद्दामा पेशी तोकेनन् । न्यायाधीश जोशी सर्वोच्च पुगी बिहिबार हाजिर गरेर घर फर्केका थिए । अबदेखि उनले मुद्दा हेर्न पाउँदैनन् ।

न्यापरिषदको बैठकले न्यायाधीश जोशी मेलमिलाप परिषद्का अध्यक्ष रहेको स्थानमा न्यायाधीश ईश्वरप्रसाद खतिवडालाई जिम्मेवारी दिने निर्णय गरेको छ । त्यस्तै उच्च अदालत जनकपुरमा बेथिति बढ्दै गएकाले नियन्त्रण गर्न उच्च अदालत सुर्खेतका मुख्य न्यायाधीश हरिकुमार पोखरेललाई पठाउने निर्णय गरेको छ ।

बैठकले न्यायाधीशविरुद्ध परेका उजुरीको छानविनका लागि प्रधानन्यायाधीशको नेतृत्वमा संयन्त्र बनाउने निर्णयसमेत गरेको छ । संसदीय सुनुवाइ समितिलेसमेत अस्विकीत जोशीलाई मुद्दा हेर्न दिएको भन्दै प्रश्न उठाएको थियो ।