अजय सुमार्गीले कान्तिपुरका मालिक सिरोहियामाथि यस्तो लगाए आरोप

काठमाडौं, १ माघ । व्यवसायी अजय सुमार्गीले कान्तिपुरका मालिक कैलाश सिरोहियाले आफूमाथि ब्ल्याकमेलिङ गरेको आरोप लगाएका छन् । काठमाडौंको मुक्तिश्री टावरमा आज पत्रकार सम्मेलन गर्दै सुमार्गीले भने, “आफूले चलाएका सञ्चारमाध्यम प्रयोग गरेर कान्तिपुर मिडिया ग्रुपका अध्यक्ष कैलाश सिरोहियाले ब्ल्याकमेल गरेको आरोप लगाएका हुन् ।

सञ्चारमाध्यमको दुरुपयोग गरेर आफ्नो प्रतिष्ठामा आँच पुराएको दावी सुमार्गीको छ । ब्ल्याकमेलिङ प्रक्रियामा मिडिया सोसाइटी प्रयोग भएका भन्दै सुमार्गीले त्यसप्रति आपित्त जनाएका छन् । सिरोहियाले आफूमाथि गम्भीर अपराध गरेको भनाई छ ।

कान्तिपुरलाई नजराना चढाएर मात्रै व्यवसाय गर्न पाइने खराब नजिर बसेको उनको भनाई छ । “यस प्रकरणले कान्तिपुरलाई नजरना चढाएर मात्र व्यवसाय गर्न पाइने खराब नजिर बसेको छ”, सुमार्गीले थपे । कान्तिपुरले पाठकहरुलाई विश्वासघात गरिरहेको आरोप पनि सुमार्गीको छ । सुमार्गीले आफूले प्रचलित कानुको पालना गरेको र कान्तिपुरको भ्रममा नपर्न आग्रह समेत गरेका छन् ।