अटोरिक्साले किचेर कपिलवस्तुमा चालकको मृत्यु

माधव बेल्वासे

कपिलवस्तु चन्द्रौटा पुष १०
अटोरिक्साले किचेर कपिलवस्तुमा अटोरिक्सा चालकको मृत्यु भएको छ । शिवराज नगरपालिका २, हल्लानगरको मन्दिरदेखि १सय मिटर उत्तरपट्टि भित्री बाटोमा उक्त घटना भएको हो । लु१ ह ६५४ नम्बरको अटोरिक्साले किचेर ३० वर्षीय ओमबहादुर नेपालीको ज्यान गएको वडा प्रहरी कार्यालय चन्द्रौटाले जनाएको छ
एक्कासी छारे (मृगी) आएपछि गुडिरहेको अटोरिक्साबाट खस्दा पछाडिको चक्काले उनलाई किचेको वताइएको छ । गम्भीर घाइते नेपालीलाई उपचारका लागि चन्द्रौटास्थित संजीवनी सामुदायिक अस्पताल लैजादै गर्दा मृत्यु भएको जनाइएको छ । नेपाली केही वर्षदेखि कपिलवस्तुको शिवराज नगरपालिका ५, चन्द्रौटामा डेरा लिएर परिवारसहित बस्दै आएका थिए । उनी अटोरिक्सा चलाएर जीविकोपार्जन गर्दै आएका थिए । उनको स्थायी घर ढाकाबाङ्ग ६, अर्घाखाँची हो ।