अराजक बन्दै समाज, सानोतिनो झगडा नै हत्याको कारण बन्दै

पछिल्ला केही वर्षयता समाज निकै अराजक बन्दै गइरहेको छ । सानोतिनो विषयमा नै विवाद हुँदा काटाकाट र व्यक्ति हत्या समेत हुन थालेको छ । यस्तै एउटा घटना बिराटनगरमा घट्यो । कात्तिक २ गतेको बिराटनगर ९ स्थित हनुमान मन्दिर अगाडि लागेको मेलामा सामान्य विवाद हुँँँदा १९ वर्षीय राहुल भगतले ज्यान गुमाए ।

मेला हेर्न आएका राहुल भगतले भीडमा ठेलेको निहुँमा सबिन कामतसँग सामान्य विवाद भयो । भीडमा ठेलेको विषयलाई कारण बनाउँदै सविन र गरे । विवाद भएको ७ मिनेटभित्रै राहुलमाथि छुरा प्रहार भइसकेको प्रहरीको भनाई छ । बिराटनगरमै टेम्पो चालक रहेका सहनीले राहुललाई छुरा प्रहार गरेका हुन् ।

छुरा प्रहार गर्ने र मृतक राहुलबीच सामान्य चिनजान पनि नभएको प्रहरीले उल्लेख गरेको छ । साथीलाई हातपात गरेको निहुँमा किशोरहरुले हातपात गरी छुरा प्रहार गरेको प्रहरी श्रोत भन्छ ।
बिहिबार पत्रकार सम्मेलन गरी प्रहरीले बिहीबार पत्रकार सम्मेलन गरी हत्यामा संलग्न भएकाहरु मध्ये १८ वर्षीय कुहिरा भन्ने विशाल सहनीलाई सार्बजनिक गरेको छ । अन्य पाँच जना १८ वर्ष भन्दा कम उमेरका भएकोले सार्वजनिक नगरिएको प्रहरीले जानकारी दिएको छ । दुईजना भने फरार छन् ।

प्रहरीका अनुसार राती ७ः३५ मा राहुलमाथि छुरा प्रहार भएको थियो । कोशी अञ्चल अस्पतालमा उपचारका क्रममा उनको मृत्यु भएको थियो । हत्या गरी फरार भएकाहरुलाई प्रहरीले विभिन्न स्थानबाट पक्राउ गरेको थियो । प्रहरीले ६ जनालाई पक्रिएको छ । पेन्टिङको काम गर्दै आएका राहुल सामान्य पृष्ठभुमिको परिवारका हुन् । हत्यामा संलग्न किशोरहरु पनि सामान्य परिवारकै रहेका छन् ।