कोरोना उपचार कोषमा पूर्वराजाले २ करोड सहयोग गर्ने घोषणा

पूर्वराजा ज्ञानेन्द्र शाहले कोरोना संक्रमणविरुद्ध लड्न सरकारले बनाएको कोरोना उपचार कोषमा दुई करोड रुपैयाँ जम्मा गर्ने घोषणा गरेका छन् । पूर्वराजा शाहले मंगलबार एक प्रेस वक्तव्यमार्फत २ करोड सहयोगको घोषणा गरेका हुन् । दुःख-कष्ट र आपत-विपदको घडीमा आफ्नो तर्फबाट हिमानी कोषलाई रू २ करोड दिई नेपाल सरकारको ‘कोरोना भाइरस संक्रमण, रोकथाम, नियन्त्रण र उपचार कोष’ मा सहयोग गरिने पूर्वराजाले विज्ञप्तिमा उल्लेख गरेका छन् ।

पूर्वराजा शाहले राहत, उद्धार र व्यवस्थित बन्दोबस्त जुटाउन सरकारी र गैह्रसरकारी पक्षबाट भैरहेको कामको प्रसंशा गर्दै यसलाई अझै प्रभावकारी बनाउनुपर्ने पनि बताए । लकडाउन बाध्यात्मक अनिवार्यता भएको भन्दै यसको सबैले पालना गर्नुृ पर्ने बताएका छन् । लकडाउनको बाध्यात्मक परिस्थितिलाई सबैले मान्नु पने विज्ञप्तिमा उनले उल्लेख गरे । महामारीको यो संकटमा आफ्नो ज्यानको प्रवाह नगरी अहोरात्र सेवामा खट्ने चिकित्सक, नर्स र अन्य स्वास्थ्यकर्मी तथा नेपाली सेना ,नेपाल प्रहरी र शशस्त्र प्रहरी लगायत सम्पूर्ण सुरक्षाकर्मीका साथै जनतालाई समयमै सुसूचित गरेर योगदान पु¥याउने सञ्चारकर्मी एवं पत्रकारहरूप्रति आफुहरु आभारी रहेको उनको भनाई छ ।